3 years ago
  • المرحلة الثالثة (الأشهر 9,8,7)
اول حمل لي وابغى نصائح عن الاسابيع الاخيرة والتجهيزات للولادة ومابعدها وكيف اللي ولدت بدون مرافق في مستشفيات القطاع العسكري 🌹

12 تعليقات

العضوة: 1614480 , 3 years ago

اول اتمشي كثير وكلي تمر واطلعي وانزلي سلم طبعا في التاسع وجهزي شنطه فيها ملابس البيبي وببرونه وملابس لك وبمبرس للبيبي وفوط لك وربي يقومك بسلامه

العضوة: 130095 , 3 years ago

التجهيزات انا من عرفت شنو فيي بديت اجهز. حماسسس اول حمله😂 من دخلت التاسع بديت امشي وكثرت اكل تمر. طبعا انا ماشفت مقاطع ولا اي شي يخص الولاده ولا حتى سالت اشلون قلت بخلي كلشي على الله عشان ما اتوتر واخاف رحت بدون احد بس زوجي وصلني المستشفى وخلص اوراقي وقلت له يروح ماابي احد معي🦾 واول ولاده كانت اسهل من الولاده الثاني جد جد الاوليه لاني ماعرفت ولا تابعت مقاطع تخص الولاده. كانت سهللله وخفيفه وسريعه حتى الطلق كان حامي والرحم صار ١٠ بسرررعه ماشاء الله. عكس الولاده الثانيه كنت متوتره وخايفه. وطلق صناعي

العضوة: 1606078 , 3 years ago

وخوذي لك قميص قصير نص الساق راح يكون لك اسهل من البجامه اذا ولدتي طبيعي وخوذي فوط كلوت اول الايام تلقينها عند النهدي تريحك وماتحوسك لان بالبدايه يكون الدم اكثر من الدوره والبيبي ٣ غيرات وانتي لبستين وخوذي شراب يدفيك واختاري حليب البيبي من الحين لان بعض المستشفيات تجبرك ع رضاع الطبيعي وبالبدايه مايجي الحليب ويزعجك الطفل بصياحه وخوذي معك شنطه فيها اغراضك الخاصه فرشه معجون مشط شوي ميك اب خفيف وخوذي شوزات للمستشفى مريحه باللبس مو سبورت والله يقومك بالسلامه ويقر عينك بجنينك سالم معافى

العضوة: 1674300 , 3 years ago

انا من قلب الحدث توي قفلت شنطتي انا والبيبي طبعا انا قيصري ف الطبيعي يعلمونك البنات بالنسبة لشنطة البيبي خذيت ٣ برتبوزات ٣ لبسه خارجيه ٢ لفات وحده بطانيه كبيره + لهايه و٢ قبابيع انا اخذت قميص واحد واخذت روب يدفي واخذت اغراض الشاور واخذت فرشة ومعجون ومشط وميك اب خفيف مره وشراريب ليا وملابس داخليه واذا نقص شيء بخلي ابوه يجيبها طبعا انا قيصري هذي كلها يومين ونص فالطبيعي يمكن بس يوم ونص وتطلعي فخذي ع احتياجك ولدي جربت بالعسكري وكان قيصري وصحيح بدون مرافق والحمدلله ع كل حال قدرت معني كنت اتعب بس بالقومه والسدحه فالطبيعي ممكن يكون اخف ماعرف والله واي سؤال حاضر🤍

العضوة: 1651622 , 3 years ago

هلا اختي الاسابيع الاخيره في الحمل افضل تكونين مرتاحه وتعملي التمارين المعروفه للحامل في الاسابيع الاخيره لا تستعجلي على الولاده للن في النهايه راح تولدي لا تشربي خروع وقرفه ضررها اكثر من نفعها من ناحيه التجهيزات البيبي الافضل تختاري التجهيزات اللي تناسبك وتناسب ظروفك وميزانيتك ملابس البيبي راح تصغر عليه بعد كم اسبوع فلاتكثري للمقاسات الصغير وحلو لو تاخذي مثلا ٥ مقاس نيوبورن وتاخذي ٥مقاس من ١-٣ شهور سواء بربتوز وملابس البيت حلو لو تحطي ميزانيتك لسرير راح تستفيدي منه للبيبي كم سنه قدام سرير يكون جنب سريرك وسرير محمول تستفيدي منه في الصاله يكون معاك او اذا رحتي بيت اهلك تجهيز ملابس لك مريحه خاصه بتكوني بالبيت اغلب وقتك بس بنفس الوقت لا تنسي الشغلات البسيطه من عنايه بالانوثه راح تفرق بنفسيتك كثير تجربتي في مدينة الامير سلطان الطبيه العسكريه بالرياض باول طفل كانت تجربه جميله ولدت فيه فترة كرونا . جدا متعاونين ونظيفين والمكان كله نظيف تولدي بغرفه خاصه فيك عندك خصوصيتك يصبروا عليك مايستعجلوا اخلاق اخلاق اخلاق كانت تجربة ايجابيه واتوقع اني راح اكرر التجربه عندهم في حملي القادم

العضوة: 1345479 , 3 years ago

احسبي حسابك ممكن يكون فيه خياط اذا فيه خياط لا تفكرين انك بتقدرين تلبسي الكلوت العادي حق ايام الدورة لازم تاخذي كلوت من الصيدليه مريح و الافضل طبعا تاخذي حفاظة كلوت انصحك جد عشان ما تحوسين كثير في الحمام و كل شىي طلع او سرب الدم لانه كثير في البداية ثاني شي اكتبي في تيك توك تمرة النفاس و سويها و كليها و اشربي عصيرات طبيعية كثير و سوائل مثل اليانسون و القرفة اعشاب بالمختصر لا تهملي خلي جسمك يتقوى بهذي الاشياء و غيرة عشان الخياط بيوصفون لك ميبو و بيتادين كغسول للمنطقة مره حلوين و الميبو لا تحطينه على الفوطة حطيه دايركت على الجرح و يفضل بو تاخذين وياك المستشفى لانه في بعض المستشفيات يعطونك وقت الخروج روحي خذي ميبو لكل الجرح تورم و يخليك ما تعرفين تجلسين و اطلبي لي بخاخ مسكن للألم الخياط ضروري انا مقبلة على ولادة ثانية وهذي الاشياء كلها بسويها لاني تعلمت من ولادتي الاولى

العضوة: 1532917 , 3 years ago

@user-1614480 يعطيك العافية

العضوة: 1532917 , 3 years ago

يعطيك العافية ان شاء الله @user-1345479

العضوة: 1532917 , 3 years ago

@user-1651622 انا فالمدينة ان شاء الله التجربة تكون كويسة

العضوة: 1532917 , 3 years ago

@user-1674300 يعطيك العافية

العضوة: 1532917 , 3 years ago

@user-130095 يعطيك العافية

العضوة: 1532917 , 3 years ago

@user-1606078 يعطيك العافية