أنا باقيلي كم يوم واكمل التاسع يعني الولادة قرّبت كثير مشكلتي الأزلية ما أتحمّل أي شي يلمس المهبل ، اتشنج على طول وبكل صراحة العلاقة الزوجية مو أحسن شي بيني وبين زوجي بسبب هذا التشنج .. لاحظت عند فحص عنق الرحم بالمستشفى يصير معاي نفس الشي خصوصاً انهم يفحصون الوحدة وهي متسطحة على ظهرها وهذه أسوأ وضعية على الإطلاق بالنسبة لي. بالعادة بالعلاقة الزوجية عشان اكون انا مرتاحة ومو متوترة اتبّع وضعية الفارسة وحيل فرقت معاي. المهم بدون ما أطوّل معاكم . عندي استفسارين: ١/ هل فيه طرق معينة أو تمارين اتبعها من الحين لتخفيف التوتر والتشنج؟ ٢/ هل المستشفيات تقبل بتغيير وضعية الولادة مثل ما أبي؟ الصراحة الوضعية المعتادة هي الأسوأ ع الإطلاق وجاني خوف وهلع منها ، كيف بيطلع البيبي 🥲🥹