العضوة: 1169738 , 4 years ago

حبيتي بنسبه لي ولدت بمشفى الدوله اول ولد وهسا حامل بحملي الثاني ورح اول بيها إنشاءالله بنصحك اولدي بمشفى الدوله كتير بيعتنو فيكي انا ماكان معي حدها ابدا وازا وضعو الليبي تمام من اول ساعه يعطوكياه يبيتوكي ليلة وتخرجي من المشفى لاتخافي وازا كان مريض لاسمح الله ببيتوكي انتي والبيبي بس يتشافى بيخرجوكي انتي والبيبي

العضوة: 1169738 , 4 years ago

وعشان مشفى الخاص ماجربت الولاده فيها مابعرف كيف يعتنون فيكي وبالبيبي وبتكلفك كتير اما مشغى الدوله مابتتخسري شي وربي يتمملك على خير ويقومك بالسلامه انتي وانا وكل حامل يارب العالمين

العضوة: 985316 , 4 years ago

الله يسلمك ويوفقك و الله يحميكي ويحميلك أولادك 🤲شكرا

العضوة: 1123539 , 4 years ago

@user-985316 كم الك حامل كلها عم تولد بمشافي دولة انا الي اول بطن خايفة 😥

العضوة: 404517 , 4 years ago

انا رحت خاص ورحت ع مشفى حكومي المشفى الحكومي احسن بألف مرة الحمدالله معاملة ممتازة وكل شوي بيكشفو عليكي وع البيبي وانا عطوني بنتي بنفس الساعة لانو ولدت قيصرية ومرت اخي نفس الشي وولدت طبيعي وهلأ حامل وعم راجع مشفى حكومي والحمدلله ربي يتمملك ع خير ويقومك بالسلامة 🥰🤲

العضوة: 1149807 , 4 years ago

بكل الولايات مناح ولا كل منطقه شكل يا ريت الي بتحكي تجربتها تخبرنا هي وين بتعيش

العضوة: 1160826 , 4 years ago

مزبوط مشافي الدولة بتركيا أفضل من المشافي الخاصة وما بخرجوكي قبل ٢٤ ساعة اذا ولادة طبيعية بيعملوا كل الفحوصات اللازمة الك ول البيبي وإذا قيصيرية بخلوكي ٣ أيام منشان يطمنوا ع الوضع اما المشافي الخاصة بس بدن يشفطوا مصاري وعناية زفت أنا رفيقتي لعبوا بعقلها كانت عم تطلق وهية بكرية وما فهمانة عليهن وخايفة منن كيف عم يعيطيوا ع الولادات قام بعتولها المترجمة وقالولها اذا ما بدك تتعذبي بالولادة الطبيعية وقعي أوراق على القيصيرية مع انو ضلت عندن عم تطلق شي ٨ ساعات وكان بقيانلها ٣ ساعات وبتولد وهية صغيرة وصارت تبكي وتقول بدي عملية وعملولا العملية منشان تدفع أكتر 😑وبعد الولادة شغلة ٥ او ٦ ساعات خرجوها وما اعتنوا فيها ابدا

العضوة: 1160826 , 4 years ago

انتي بس تكوني تدبري حالك بالحكي معن ويفهموا عليكي وتفهمي عليهن بشكل عام مناح طبعا احيانا بطلعلك ناس عنصريين لا يخلى الأمر بس بشكل عام اللي بيفهم عليهن ويفهموا عليه بتكون الأمور تمام

العضوة: 404517 , 4 years ago

@user-1160826 اي والله كتير مناح الحكومية قولتك الخاص بس ادفع انا بوقتها كمان رحت خاص منشان تنظيف رحم كان ميت الجنين وكان عندي وجع قوي ورحت انا يلي بنظف الغرفة وماحدا اجا كشف او اطمن او حتى علاج الحمدالله كانت امي معي هيا تنظف الغرفة وبس كم ساعة وطالعوني ومعاملة سيئة اما الحكومي غير شكل الله يحننهم علينا🤣🤲

العضوة: 991306 , 4 years ago

من اسبوع مرضت بنص ليل وضطريت روح علمشفى دولة مشفى بغجلر يعني من اكبر مشافي سطنبول ودخلوني غرفة طوارء ونمت فيها من صبح للمسا وكان في ناس ولدانين وقال مافي غرفت زاتينن عتخوت بلطوارء بلى اكل ولا شرب من وقت ولدو ولا مرافق ياحرام وضعن بيصعب علكافر وحتا انا حامل بسايع ومعي اسهال مزمن وقيئ بسبب التهاب امعاء تركوني بلى اكل وشرب لك حتا لماي حوزي ترجاهن يعطوني قنينة مي لئنو تصلت عليه وقلتله راح موت بدي ماي وعم ابكي مارضيو قال ليجي دكتور بيعطيها شو بتحتاج المهم للمسا ضليت عطشانة بعدين بليل اجا دكتور تطلع على تحاليلي وقال خرجوها وضعها مابيدعي مبيت قلت واكل وشرب قلي كلي وشربي قلت مو انتة مانع لمي واكل عني قال لا 😒طلعو حتا موسائلينو ومطنشيني للمسا طلعت ضغطي مقرب عل ٢٠٠ وشفايفي زرق يومين قضيتها اشرب شغلات حتا رتحت ولي كانو ولدانين تصلت عجوزي علباب نادا عجوازن وخليتن يحكو من جوالي ويطلبو اكل وشرب لخلاصة مشافي دولة مسسسالخ ولدتي بنتي لكبيرة بلخاص بتعليق تاني بقلك شلون كان هاد صار طويل من حرقة قلبي 😅

العضوة: 991306 , 4 years ago

بلخاص ياستي رحت على ارخص مشفى خاص بحارتي هلق لولادة عندن ٢٧٠٠ طبيعي دخلت ومية راس خالصة عطوني طلق صناعي دخلت عغرفة طلق انا وزوجي وامي ضليت بطلق حوالي ١٠ساعات بغرفة لحااالي اجا اكلهم وضلو معي لحتا فتح رحم صرخت لحتا نبح صوتي ودكتورا اجت وقالتي بعرف صعب بس مارح حولك قيصري عمرك صغير وطالما مافي خطر مافي قيصري ولدت ولله جننتن من صراخي وماحكو معي حرف غير كلام حلو وهادي ويحاولو يخففو عني بعد لولادة اجتني نوبة عصبية وضليت صرخ عطوني مهدء وبطانيات واكلي وشوماأطلب يحضرلي واجاني ضيوف كلل عيلة اجو بعد ساعة ٩بليل وجوزي وامي نامو معي عطوني غرفة بتختين وكنبايتين لحتا نرتاح فيها ولصبح عم يعملو تحاليل ويقيسو ضغط ويشوفو نزف حتا وراق خروجي وصلتني جاهزة ماتحركت انا وجوزي من لغرفة خلصو وراقي واجو عطوني واخدوني اتعاين عند دكتورة نسائية واطفال ووصلوني علباب ولأمن وقفلي تكسي وقلي لله معك كلهاد من ٤سنين بألف ليرة لله وكيلك مادفعت غيرن قرش

العضوة: 191441 , 4 years ago

مشفى عن مشفى بتفرق و حسب الدكتورة الي بتطلعلك انت و حظك انا ولدت بمشفى حكومي و تجربتي كانت حلوة رحت مستوية و تعاملوا معي باحترام بدك نصيحة الاتراك ما بحبو الازعاج كان في وحدة تركية بالغرفة الي جنبي عم تصرخ و تزعبر دخل دكتور ع الغرفة طعماها بهدلة بس كان صوتا نشاز و عيمل حالة رعب بالمشفى للي عم يطلقوا يعني اذا وحدة مدودة ما بسكتولا و نفس الوقت عالم ولدوا فيو وتجربتن سيئة الصراحة الي باحترم حالو ما بترك مجال حدا يتعدى عليه و العياط بستهلك الطاقة و بتعب الي عم تولد ع الفاضي الولادة ثاني اكبر ألم في العالم بعد الحرق بس كل ما حافظتي ع اعصابك كل ما كنتي هادية بتوفري طاقتك للولادة و بتكوني متحكمة بحالك اكتر لانو النفسية عامل كتير كبير و مهم بالولادة لازم تمسكي اعصابك و لما يجي الالم تنفسي بدال الولويل و لما تروح الطلقة ادعي و اقرأي قرآن صدقيني بتمري بتجربة و لا احلا بإذن الله و الكادر الطبي باحترمك و بقدرك صدقيني بالنسبة للاهتمام كتير كبيررر الفحوصات و التحاليل ما بتحتاجي شي عندن و اذا الولد صحتو منيحة بيعطوكي ياه فورا بعد ما يفحصوا و يتطمنوا عليه اما اذا عندو مشكلة بحطو بالحضانة و بقدمولك وجبات صحية متكاملة و ادوية و اذا طبيبعي بنوموكي يوم و اذا عملية يومين