الحمد الله رزقني الله بطفلي الرابع عبد الله يوم الاحد بتاريخ ٦ جون واخر دورة كانت بتاريخ ٥ سبتمبر ،، ولدت في اول يوم في الاسبوع الاربعين نزلت الموية الساعة ١ ونص وقت ماكنت اسوي سكوات خفيف وانطلقت للمستشفى لاني ناوية اخذ ابرة الظهر ماكان في طلق نهائي والرحم فاتح ٢ سانتي فقط وتنومت في المستشفى حوالي ٢٠ ساعة وكان في طلق بارد متقطع وقررو يعطوني طلق صناعي لانه ماينفع اكمل ٢٤ ساعة من نزول الموية وماولدت وبصراحة كنت خااايفة لانه ليا تجربة سيئة مع الطلق الصناعي من قبل ومرة تعبني وسبحان الله وقت ماقررو يعطوني بدا الطلق الطبيعي وبديت اتالم الين وصلت ٤ سانتي وطلبت منهم يعطوني ابرة الظهر بسرعة واعطوني هيا والحمدالله ضبطت والالم القوي وقف تماما سحر يابنات ماشاءالله لكن للاسف ماقدرت ادفع طلعو البيبي بصعوووبة وتعب والنبض انخفض عنده وشالوه للحضانة 💔لكن بعد ماطمنو عليه حوالي ٦ ساعات خرج ورضع مني الحمد الله وربي سلمه الاثار الجانبية لابرة الظهر اللي صارت معايا:جاتني زي النفضة قوية فجسمي وبروودة بعد الولادة بنص ساعة وغطوني ببطانيات واعطوني مسكن وهديت الحمدالله وفي وجع مكان الابرة الان انا رابع يوم خف بنسبة ٨٠ بالمية مااحتجت خياطة عكس ولاداتي اللي قبل والحمدالله مانشقيت ابدا كله بفضل الله وبفضل الرياضة من قبل الحمل واثناء الحمل كنت اتمرن هذه تجربة ولادتي الاخيرة حبيت انقلها لكم واتمنى مااكون طولت عليكم 🤍🤍