اللهم لك الحمد من قبل ومن بعد 13/01/2022 الساعه 8:11 صباحًا انا على حساب الدوره اخر دوره 4/4 بس على حساب السونار 9/4 وكان بكرا 14 الشهر رح يكون يوم الولاده المتوقع على حساب السونار كانت تصيبني اعراض عاديه مثل كل البنات هون ثقل ونغزات ودفش لتحت لكن امس قبل الولاده بيوم من الصبح فقت تعبااانه وجسمي تعبان مو قادره اسوي شي بس شربت كاسه حليب مع عسل و قرفه وزنجبيل وفلفل اسود وتحممت وعملت قرفصاء واما اتحمم.. وبعدها عادي عزلت كل بيتي وكانو اهلي جاييني .عملت عشاء وكل شي لكن بالسهره كنت تعبانه وبطني كثير يحجر ويفك بس مافي اوجاع بعدها ع 1 يمكن تعبت احس الوجع في الورك ورجولي قمت نمت ساعه ونص وفقت عادي على زوجي وبنتي سهرانين اخذت بنتي غرفتها انيمها احس شي رح يطلع مني بدون ايه اوجاع ..شوووي حسيت شي سخن وقفت فورا نزل شي ع رجلي سخن وفورا على الحمام وانفجرت المي كلها ع ساعه 4 بس ماكان في اي اوجاع ونزلت السداده الي هي افرازات ثقيله مثل الجيلي مع دم جهزنا حالنا كنا طالعين للمشفى ولكن قبل قلت خليني اتصل لهم اعطيهم خبر انا رايحه <بعد ما تاكدو من المي انها مو لونها اخضر او غير الوان والسداده كانت مخاطيه مع دم (مو نزيف) قالولي استني شوي ل8 ونص صباح بلكي يصير عندك وجع وبعدها تعالي صرت امشي فالبيت واعملي كل شي عندي ياه شغلات خفيفه صار يجي وجع جدا خفيف وصارت كل 7 دقايق وبعدها كل 5 وبعدها كل 4 بعدين قلنا خلاص رح نروح للمشفى الساعه 6 ونص بعدها صار كل 3 دقايق واتصلت بالمشفى وقالو تعالي ناطرينك… بعد ما جيت فوتوني غرفه الفحص وبدها تفحص نبض البيبي وضغط ولاخره…. صار الوجع جدا قوووي واحس شي بيدفش ورح يطلع قلتلها في شي رح يطلع مني فورا تطلعت تحت وفحصت قالت ولاده فورا فاتح 8 سانتي وفكو السرير الي نايمه عليه. واخذوني فيه لغرفه الولاده وراكضين ركض😃 اخذوني لغرفه الولاده الساعه 7 و40 دقيقه والحمدلله ولدت الساعه 8 و11 دقيقه 🥺💙💙 وهي قصتي يابنات ان شاء الله تتشجعو وكونو اقوياء انتو قدها وتوكلو على الله ولا تنسو تذكرو الله 🥺🥺 وكمان طلبت منها ابره الظهر لما كنا بغرفة الفحص قالت بغرفه الولاده نعطيكي ياها لما طلعت غرفه الولاده كانو يجهزوها بس راس البيبي بين قالولي خلاص كم دفشه ورح يطلع البيبي وما اخذتها