الخميس٢٦ اغسطس ١٨/ ١ / ١٤٤٣ هـ بلاسبوع ٣٨ شربت البارح حبوب اعشاب موجوده بمنشوراتي وكنت ابي اعرف اذا فعلاً ممتاز او لا والبارح الساعه ١٢ شربته بعد التوكل على الله وكان على بالي راح اشرب منه كل يوم مره بس تفاجات ماشاءالله ماشاءالله ماجا الصباح ٧ الا وبدا معي طلق خفيف وعملت ماء دافي لرجليني ونقعتهم يمكن ١٠ دقايق وشربت ربع كوب قرفه وكملت شغل البيت وغسلت دورات المياه الحمدلله وتروشت بماء دافي الى ساخن وعلى الساعه ٩ زاد الالم بس جداً محتمل لدرجة قلت يمكن طلق كاذب وبعد صلاة الظهر نزلت خيوط دم فرحت وبعدها صار كل ٦ دقايق طلقه 🤨 ندمت اني شربت الخلطه قلت ياليتني ماجبت لنفسي الوجع وصرت احاول انام ما اقدر وعلى الساعه ٣ اكلت بندول قلت بطلت مابي اولد بس الالم خف نسبة ٢٠ بالميه زوجي شافني قال يلا المستشفى قلت لاااااا اخاف يحبسوني وبلاخير مايطلع عندي توسع واتعذب وكل ماراح الطلق قلت لازم استحمل اكيد مارح اولد الا بكره ولمن تجي الطلقه اقول يلا معك اصر علي لحد مارحت والحمدلله اني رحت بلاول قلت روح خلص شغلك وتعال على الساعه٩ ونروح قال اوك بس الافضل انك تروحين وبعدين من الالم قررت اروح والحمدلله اني لحقت طول ما انا بسياره ادعي للجميع للكل ولنفسي وادعي الله وخايفه وعندي احباط مايكون في توسع بعدين بس وصلت قالت التوسع عندك ٨ سويت كذا؟!!🙁😟 رجعت سالتها قلت يمكن لخبطت بالرقم قالت ٨ جوات نفسي تذكرت الخلطه وتذكرت القرفه وتذكرت الدعاء الحمدلله يارب يعني فترة المعاناه اقل وعلى طول قمت ابي الحمام ومسكتني الممرضه تخاف اولد بالحمام وجلست توصيني ما ادف شوي وعطتني شي بشرج عشان يطلع كل البراز وركبت لي مغذي وعطتني ابره جلست ساعه وولدت الحمدلله بس تعبت بالخياطه كانت بتولدني بدون قص وجلست اصيح قصي قصي قالت بلاول انتي دفي ولمن يوصل البيبي بقص 😣 ويا الله مع كل طلقه ادف يمكن خمس طلقات ودف وطلعت بنوتتي الله لايضيع لي ولكم تعب والحمدلله انتهت رحلت الحمل بخير وسلامه وعقبالكم يارب تكون ولادتكم اسهل وافضل من ولادتي اسفه طولت عليكم بس قلت تستفيدون نسيت اخبركم ان حصل جماع بعد صلاة الفجر مرتين😮‍💨