بسم الله ،( سبب كتابتي للموضوع لأني كنت انتظر أي احد يكتب لي شي عن تجربته وقت حملي ولا لقيت اغلب التجمعات للرياض ) أرجوكم لكل من يستفيد كلامي يدعي لي دعوة بظهر الغيب أن الله ييسر أمري ويلم شمل عائلتي ❤️ أول شي من اول حملي قريت دعاء لوحذة الله يجزاها خير قالت أن امها قالت لها تدعي ان الله يسخر لها الدكاترة والمستشفيات والممرضات ويسخر لها الأرض ومن عليها وهذا كان دعائي من بداية حملي واللهم لك الحمد ربي جعلها حق ❤️❤️ نمت بعد صلاة الفجر وكان عندي احساس اني بولد فقررت انام علشان يكون عندي طاقة لو جاني طلق صحيت الظهر على الموية انفكت وجلست انتظر يجيني الطلق لين الساعة ٧ المساء وبعدها توجهت للطوارئ ودخلت وشافوني طبيعية ولا اصرخ ولا ابكي فتركوني انتظر شوي لين طلعت للفحص وكشفت علي الدكتورة وزادت اانفكت الموية وقررو على طول تنويم وجلست عندهم لين اليوم الثاني والماء تصب بس وضعي ووضع البيبي تمام اللهم لك الحمد بعدها زادت المويه صبت وكنت بغرفة لحالي خفت بما اني بكرية ولحالي توكلت على الله ودقيت عليهم وبعدها جو اخذوني على غرفة الولادة جتني الدكتورة وكانت لطيفة جداً وحنونة وقالت لي خلاص بنولدك بطلق صناعي وبعدها قالو لي اختار نوع مسكن لان الطلق مؤلم ف اخترت ابرة الظهر شوي وجاء طبيب التخدير وركبها لي وركبو لي الطلق الصناعي وجلست من الساعة ٧ الصباح لين الساعة ١٠ الليل ولدت بدون شق خارجي انتظرو علي دام وضعي مستقر ووضع البيبي واللهم لك الحمد جميع الطاقم كان حنون ولطيف معي ومتعاون ،.. حصلت لي مشكلة مع احد الطاقم بعدين مالها دخل بالولاذة واشتكيت عليها وانصفوني على طول ❤️❤️