اليوم احجيلكم عن طرق للتربيه السليمه بدون صياح بدون عياط بدون ضرب بدون توتر يلا نتعلم 💙 اولها كافيء السلوك الإيجابي امدح كل تصرفاته الجيده مو بس امدحها دور على الشيء الجيد و امدحه من يرتب وياك كوله عفيه من يحجي صدقا كول عفيه من يسوي واجبه المنزلي كوله احسنت كلمات بسيطه تؤدي الكثير كلما شجعت تصرفا معينا كلما زاد احتمال تكرارها ! 🤎 لا تشجع البذاءه او اي تصرف سيء خليك واضح من يضربك لا تضحك مهما كان عمره كوله لا هذا غير مسموح من يتصرف خطأ كوله لا هذا التصرف خطأ مره على مره راح يعرف الخطأ موضوع المزح مع الاطفال بشكل روح اضرب عمو او غير شكل تأكد بعد كم يوم راح يرجع عليك 💛 انطي الخيارات مثال كاعد ينطط طفلك على السرير تكدر تكوله ( شنو رايك تقفز على الأرض ؟) عنده عاده الرسم على الجدران كوله ( شنو رايك نشتري سبوره و نرسم عليها؟ ) انطي الخيار 💜 كن قدوه لا تمنع طفلك من شي انت تسويه مثلا لا تكذب كدامه و كول لفلان انه بابا نايم و تطلب من ابنك يكون صادق ! ابني لا تلزم الموبايل و انت غاطس بالموبايل ! ابني كوم صلي و انت ما تصلي ! الابن او البنت يتعلمون من المثال الحي اللي كدامهم لا تنسى شغله مهمه : لا تقلل قيمه زوجتك او زوجك كدام طفلك لان راح يتعلم هو يقلل قيمتكم من يكبر 💚 لا تكسر عقاب فرضه الاب أو الأم حتى تبين انه انت الصدر الحنين كسرك للقواعد راح يكسر عنده كل القواعد و ما راح يحترم اي حاجز بينكم ❤ انطي الخيارات الطفل يحب يكون متحكم بفعله و عمله حبيبي تلبس التيشرت الأحمر أو الأزرق؟ ابني تنام هسه لو بعد ما تشرب كلاص الحليب؟ و هكذا 🧡 بعض التصرفات السلبيه اهمالها هي الحل مثلا طفل يحب يبصق على الأرض خليه يبصق بمنديل و خليه يبصق لما يمل مثلها نوبات البكاء الغير مفسره 💙 اقضي الكثير من الوقت مع طفلك طفلك بحاجه لك لحضنك لوقتك هذا الاهتمام راح يخليه يفهم اهميه وجودك 💔 علمهم على التواصل بالنظر بالعين اذا ما نظرلك لعينك ضع ايدك على كتفه و نبهه و تحاور وياه 🤎 و اخيرا حور كلامك بطريقه ذكيه بمكان ما تكوله نظف غرفتك كوله شنو رايك تنظف غرفتك قبل ما نلعب فلان لعبه ! لا تكون جاف ====