متزوجة لي خمس سنوات ما انكر انه حبيب ويقضي حوايجي ولا يقصر معي لكن تعالوا شوفوه اذا حصلت مشكله انسان ثاني يقلب على طول طبعًا هو اهم ماعليه اهله يبديهم علي وعلى راحتي وصحتي ومشاعري بالبداية تقبلت قلت اهله وعادي لكن صار يهيني ويجرحني على حسابهم حتى خدامتهم يحسب لها حساب علي المهم بقولكم السالفة اللي صار فيها الانفجار شغالتهم كانت يمكن قبل 6 شهور تنزل تساعدني لما كنت حامل ولما سقطت نزلت مره تسفط معاي الملايس وقالت كلام شيييين عن وحده من خواته عني قالت انها تقول كذا وكذا عنك كلام مابغى اقوله واذا اتصلت عليك تبغاك قوليله مشغوله وبس طبعًا الخدامة ساكنه تحت ببيت خالتي وخالتي متوفيه ومافيه احد الا ولدهم وحاليًا بالرياض يجي كل شهر اسبوع بس يعني الخدامة فاضيه ماعندها شغل وراتبها يدفعه زوجي المهم ما انكر اني عصبت وانقهرت بس قلت لها شوفي يافلانه اي كلام يقولونه عني مايصلح تقولينه لي عشان مايصير مشكله اسكتت وعقبها قلت والله ماترقى لعندي خلاص وش ابغى فيها هذي اللي بتكرهني فيهم وتسبب لي مشاكل معهم عديت السالفه هذي برمضان يمكن ولا قلت لزوجي قبل امس عزمت اهله عندي ووعدني انو يطلب لي شغاله تجي تساعدني بحكم العزيمة كبيره وفيها بزران وبيتي صغير والمطبخ بيصير ضغط وبيتعشون ما اتحمل يوم صحى الصباح قال لا لاتطلبين الفلوس اللي بنطلب فيها الخدامة نلاقها بشي ثاني نادي شغالة اهلي قلت ما ابيها انا حالفة ماتطب بيتي قالي ليه قلت له انها نقالة كلام قالت كذا وكذا ويجي يعص علي مره يقول مستحيل قلت اكيذب يعني ! قال اختي تقدرك وتعزك وتهتم لك وتحط اللي ماحطوه ولا شفتيه عند اهلك ! تخيلوا بنات قال كل هالكلام وانا ابدً ماجبت طاري اخته قلت بس الشغالة تنقل كلام موب زين اجيبها ماقلت شيء عن اخته قال انتي اللي ماتحبينهم وانتي اللي تدورين المشاكل وانتي وانتي سمعني كلام مثل السكين بيوم انا فرحه بجيتهم وقايمع بدري ارتب واحط شافني ساكته قال مايهمني لاتتكلمين احسن انا مابيك ولا تعبرين لكن من اليوم ورايح بتشوفين شيء ثاني طلع من عندي صح انكسرت استقبلت ضيوفي ولا كأن صار شيء واخته قسم بالله علاقتي معاها فوق التمام بس يمكن ماتبي الخدامة تنضغط يوم تقولها انا مابقلبي شيء تجاه اخته عادي بس قهرتني الخدامة تجي تتكلم عندي ولما رجع عقب العزيمة وراحوا الضيول شاف البيت مكركبه فوق تحت محيوسه مرررررره والمطبخ مواعين فوق بعض انسدح ونام ولا فكر ولا يقول شكرًا احس مقهورة منه وكارهته واحس فعليًا افكر بالانفصال..