اريد اعترفلجن بموضوع واني صغيره رسبت بالرياضيات ونعلست اهلي كلهم كتلوني ودك دك عاد اني صرت فهيمه وكرامتي فول كلت بعد مااكعد بالبيت لحظه من باجر اخلي اهلي واشرد هالحجي اني صف خامس ابتدائي نعلست بالليل خوما اشرد بالليل لا تعبانه ونمت كلت الصبح ع برودة الجو اشرد صبح الصبح گلت خوما اشرد بدون ريوك خلي اتريك قابل شنو اكل بالطريق اوكع من الجوع كولن تريكت باوعت للساعه صارت بالعشره الصبح كلت ماضل شي للغده اتغدا واشرد صار الغده تغديت الظهريه حاره وين اكو احد يشرد الدنيا تسمط سمط بالصيف كلت للعصريه صار العصر الجو حلو اني بقيت اباوع لبيتنه ودموعي تغرغر كلت بعد مااشوف البيت ولا اهلي صارت عندي عاطفه زايده وكعدت ابجي قبل لا اشرد جان يشوفني اخويه ابجي كلي بعدج تبجين هاج ربع روحي اشتري بي اني هنا ملكت الدنيا وليومجن لهسه ماشارده😂😂😔💔