3 years ago
  • المرحلة الثالثة (الأشهر 9,8,7)
اهلين بنات نفسيتي اثناء هالحمل مرت بتقلبات كثيرة ولا مره فكرت اكتب بس وصلت التاسع معد اتحمل احس لازم افضفض انا حالياً عند اهلي علشان ابي اولد عندهم في مدينتهم ولي اسبوع وش حلوي بس اليوم فجأة مزاجي ونفسيتي تعكروا مره وممكن بعد لاني اعلم ولدي للحمام وكل شوي مسويها على نفسه وانا رايحه عند اهلي علشان يساعدوني اخواتي وخدامتهم قسم بالله مافيه اي مساعده العامله مراعين نفسيتها اكثر مني لا تقولون لها شي ولا تأمرونها واخواتي يشوفوني وكأنهم مايشوفوني اليوم سواها ولدي على نفسه اكثر من مره واغسل ملابسه بيدي اخر شي سواها على فرشتهم وجلست افركها ثم سواها على الارض وانهرت صرت بس اهاوش اي احد يكلمني تعبببت والله تعبت المشكلة مو هنا المشكلة امي تقول لي انتِ مو طبيعيه ترا كلنا حملنا وماتعبنا مثلك وماصرنا حساسين ونصيح على اشياء زي كذا معليش حامل في التاسع طبيعي تعبانه ثقل فضيع ! انفجرت بكي طبعاً بس مقهوره مره اذا ماحسوا هم فيني مين بيحس فيني طبعاً صار كلام كثير وانتقدتني في امور عديده منها اني ماقدمت عامله والسبب خارج عن ارادتي اخ بس تكفون اي كلمة تطيب الخاطر انا ادري امي جنتي ومستحيل ازعل عليها ورجعت اكلمها طبيعي واضحك معها وهذا المفروض واللي غصب اسويه بس اني ضايق صدري مره

45 تعليقات

العضوة: 728914 , 3 years ago

هل فتره مزعجه للحامل حاولي تقرين قران خصوصا سورة مريم تسهل ولادتك وسورة الزلزله وابنك ميخالف خلي يسويها ع نفسه بكره يتعلم او تلبسي حفاظه لحد ماتولدي وتكومي بالسلامه وبعدين تتعبي عليه انتي قويه وحتكدري تجتازي هذي الفتره بسهوله لانك ام عظيمه وربي ينطيك ع كد نيتك ويسهل ولادتك

العضوة: 1469837 , 3 years ago

@am_ebdalla_45 الله يسعدك ويجبر بخاطرك وييسر امرك

العضوة: 1535252 , 3 years ago

حتى أنا زيك محد متقبل نفسيتي و وحامي 😢😢😢😢

العضوة: 25077 , 3 years ago

يا عمري الله ييسر لك يارب شوفي قولي لأخواتك ساعدوني تلقين ودهم يساعدون بس خايفين تقولين لهم وش دخلكم !! فا أحسن شي تحكين معهم وبتشوفين التعاون

العضوة: 1511824 , 3 years ago

الله يهونها عليكي 🥲💔

العضوة: 1469837 , 3 years ago

@njdya والله دايم اطلب منهم المساعده ما اشوف الا تأفف وتكيسل يحسسوني غلطانه اني طلبت منهم

العضوة: 1469837 , 3 years ago

@amwwwl_3 امين وياك ربي يسعدك

العضوة: 1469837 , 3 years ago

المشكلة من الكلام اللي ينرمي وقت الحزن او الغضب للحين كلام امي في اذني اذا انتِ كذا خلاص لا تجيبين عيال وانا ماعندي الا واحد وهذا حملي الثاني اللي يشوف عندي درزن يوم انهم ماتحملوا نفسيتي

العضوة: 5994 , 3 years ago

ياقلبي الله ينفس عليك بساعه طيبه الحين مو وقت تعليم الحمام الله يهديك انتظري لين تخلصين الاربعين بالسلامه تعليم الحمام لازم تكوني ببيتك مافي احد يتحمل الاطفال وقت التعليم وولدك امانتك لاتجيبيله نفسيه من كثرت الخصام حرام

العضوة: 1555042 , 3 years ago

الله يهون عليك باليوم المبارك انا مثلك قبل الان حملي هذا عند زوجي وفي بيتي يتحملني هو وعياله وبولد عنده وبعدين اروح لاهلي محد يتحمل وانا اختك حتى لو اهلك الناس صارة خطرهم ضيقه مايتحملك الا زوجك غصب عنه لان هذا البيبي له وصدقيني يترتاحين ودامك جيتي عند اهلك ولدك لبسيه بامبرز اشري راحتك واقري اذكارك والقران كثري من لاحول ولاقوة الا بالله استمتعي باخر ايامك من الحمل مع ولدك ومع البيبي الي في بطنك سولفي معاه اشتغلي بنفسك جهدي خلطاتك روحي لجرير اشتري لك كتب ترا مررره تشرح الصدر وتخليك بعالم غير هالعالم عندك الكاتب خالد المنيف له كتب عده مثل كبر دماغ وغيره اسلوبه جمميل ماتملين وانتي تقرين له واستعين بربك ولاتنتظرين اخد يساعدك الله الي يسخر ويحنن لك عباده طولت عليك بس والله حاسه فيك انا مثلك بالتاسع ثقل وتعب ووغيره من امور بس الحمدالله مشغله عمري بمثل ماقلت لك

العضوة: 1551079 , 3 years ago

الله يقومك بالسلامه يارب … اذا تقدرين تاجلين تعليم ولدك الحمام لوقت ثاني تكوني فيه مرتاحه بيكون افضل لك وله عشان تكون النفسيه مرتاحه وبيتعلم اسرع لان اللحين مع ثقل الحمل وبعدين الولاده بيكون صعب عليك وتوتر ومو مهم اذا تاخر شهرين ثلاثه في الاخير بيتعلم ان شاء الله

العضوة: 1469837 , 3 years ago

@am_njaa2 اميين وياك يارب كنت مخططه اعلمه في الاربعين بس امي الله يهديها شجعتني ابدا الحين علشان اذا ولدت بنشغل مع البيبي على كلامها

العضوة: 1469837 , 3 years ago

@mwn_mnswr احلى من يطول والله ياحلوك ويا حلو نصايحك الله يجزاك خير وييسر امرك ويسعدك مررره شكراً لوقتك وكلامك

العضوة: 1513182 , 3 years ago

كل حامل بيكون عندها مزاج متقلب وتصيرحساسه الله يقومك بخير وسلامه

العضوة: 905527 , 3 years ago

اجلي تعليم ولدك لا تضغطي على نفسك ابدا مصيره يتعلم لا تخافي انا عيالي لحالهم تعلمو والله مااعطي للموضوع اهميه ولا اضغط صرت على نفسي و حاليا وحامي يموت حرفيا ساكنه ف الحمام من كثر الاستفراغ و ادري عندهم دراسه بس مااضغط نفسي لاني في وضع خارج عن ارادتي ، والاهل يختي ماصارو يتحملون اشوف اهلي والله اولد ومحد يساعدني خليها على الله ، انتبهي على نفسيتك و حرام تعصبي على ولدك خليه هالفتره بالحفاظ لين تولدين و تخلصين و علميه على الراحات عشان يستوعب و نفسيته زينه