العضوة: 2295414 , 55 minutes ago

اليوم كان يوم عادي جدا يمكن سبب ماشبعت نوم ، تغير اليوم ١٨٠ درجة ليوم سيء راسي فيه مليون بوابة مفتوحة : ليش مو قادرة اسيطر على الفوضى _ ليش زوجي دايما يحاسبني وكأنه كامل و شريك مثالي ؟ _ ليش اهله يحاسبوني ويغضون نظرهم عن ولدهم ؟ _ بنتي لازم ابدل لها الحين _ احتاج شاور _ بروح اصحي بناتي _ ليش الانوار شغاله _ الجوال يرن لازم انزل افتح الباب ! مخي مليان مليان جدا فتحت جوالي واكتب لزوجي : بدل تحاسبني على مليون شغله خلص الامور الي عليك في البيت مثلا المكيف نظفه و طلع الزبالة مو كل شي علي ، رسالة طوووويله واصلا انا وهو علاقتنا متكهربة ومانتكلم كويس لدرجه ماينام في البيت ! دخلت المطبخ وانا كنت بدخل الشاور اسبح بس ايوه عندي تشتت عالي بسبب البرامج التواصل التشتت جدا !!! ، طلعت الأكل وحطيته بالفرن سويت شوربة و قلت يلا يا ورد ادخلي الشاور ركزي على الشاور ! كنت معصبة منفعلة ابغى البنات يرتبون فوضتهم ، الفوضى والصوت العالي والسؤال المكرر يشتتني يعصبني : ماما رتبون او راح اضرب ! كنت معصبة جدا تعكر يومي ويومهم بنتي الصغيرة تتأثر جدا بأقل شي عشان كذا كانت تراقبني بستغراب وكانها تقول اذا بكيتي ببكي معاك .. بعد موجة غضب وزعل قررت اكتب رسالة لبناتي الي اطفالي يا قطعة من قلبي امكم تحبكم جدا اسفة على يوم عاصف حزين لكن ماما تنهار تماما بالازعاج والفوضى تكرار الكلام كثيرا اسفة ، عبر كل منا عن مشاعرة بالكتابة وفهمنا بعض والكل عرف غلطه وانا شاركتهم غلطي وتأسفت 🥹 ..

العضوة: 2295414 , 50 minutes ago

. انا مشاعري ابيض ، اسود لما زوجي يزعلني وزعلي قوي اسكت كثيييير ثم 🙂👌🏻 انهيار تاممممم حاليا عدة اصوات جالسة تزعجي نفسي اصرخ : خلاصصصص 🌪 بنتي وهي تاكل بصوت حذرتها مرتين غلط اكلي بهدوء لكن مكمله ، الثانية تطلع صوت بخشمها لانها زكمت ، صوت التلفزيون ، احتاج اروح مكان هادية عشان لا انفعل مرة ثانية لهذا اليوم 🫢 .. حساسة جدا للاصوات طريقتي عشان انجز اكتب وش بسوي اقلها اكتب ٥ اشياء وانجزها بطلوع الروح بعدين اكتب غيرها لان عندي تشتت 🙂✨️

العضوة: 2295414 , 25 minutes ago

بعز مرضي وانشغالي و دوامه من الارهاق كأم و شخص يعاني صحيا وجسديا : ورد انا بتزوج خلاص السبب انتي انا احبك بس اجبرتيني من تصرفاتك واهمالك واسلوبك معاي خلاص ، انهار كل شي قدام عيني مثل طفل امه حملت بطفل ثاني عليه ليش ليششش كنت ابكي مثل طفل كنت اقنعه لا يتزوج انا احبه كنت منهاره تماما قدامه فترة طويله كني دخلت بحفرة جهنم و اشتعلت النار بجسمي والكل سمع صرختي الكل الا زوجي النرجسي وأهله كانو يشوفون اهمالي وتقصيري و يتجاهلون وجع الزوجة الثانية الان صوته مقرف ريحته تسبب لي غثيان اخر علاقة بينا قبل ٣٦ يوم كانت مثل اغت**اب ماكنت مرتاحه هربت للشاور غشلت نفسي عشان ما اشم ريحة جسمه بجسمي وشغلت بخور بالغرفة وفتحت الدريشة وبكيت ومن يومها انا ماشوف زوجي شي ! 🌪

العضوة: 2295414 , 3 minutes ago

زوجي حلفته مايطب شقتي وحاليا مشرد ينام بمجلس اهله وين زوجته الثانية ؟ ، عرف غيرتي عليه وقرر يلعب معاي ؟ مايدري إني ابيض واسود و مشاعري تجاهه غضب وكرهه حاليا ؟ هو الشرير بقصتي الحين اجمع عليه كل الأدله عشان اكرهه ايام غياب منشورات بالتيك والسناب الف والدورات يتقرب ويبعد ، يلعب بمشاعر وحده راح تقلب اليوم جهنم لو وجع قلبها وفعلا صرخت وضربت وانهرت والي مايشتري يتفرج 🤌🏻 " يوم من الايام الي كنت احس روحي تحترق قبل ما احس بتبلد " الرجاء عدم الرد على مدونتي 🤍