بنات انا عندي طفلين ونفاسي بالطفلين كان عند امي وانا اصلا ابغا امي لانها مره تهتم فيني بس هالسنه بعد قلبي هي مسافره بعيده عني ماتقدر تجي لي وانا حامل بالرابع ومررره شايله هم مسؤوليه البيبي و عيالي الاثنين لان يمكن بيكون نفاسي ببيتي 🥺 اول الايام الام تكون مره تعبانه من الخياطه ويبي لها احد ينتبه على البيبي ويقدم لها الاكل زوجي يقول بيجيب شغاله بس الشغاله وش بتسوي بس بتنظف وبتروح مارح تطبخ ولا راح تساعدك على القومه ولا على الاطفال ولا شيء ، ابغا تجاربكم يابنات لنفاسكم في بيتكم نظامكم مع الاطفال الثانيين ومع البيبي و كيف تهتمين بنفسك ؟؟
ادعو امي تقدر تجي راح ادعي من الحين لما اولد انه تقدر تجي لعندي 😩
العضوة: 1733604 , 1 year ago
يا قلبي لا يكلف الله نفسا إلا وسعها وربك ييسر لك هالفترة ان شاء الله وكل شي بيصير معك لخير ربي يهونها عليك وامك تقدر تيجي تقوم فيك بنفاسكالعضوة: 1740596 , 1 year ago
والله أنا نفس الشي وشايله هم مايعلمه الا الله وعندي ٣ أطفال مااعرف وش اسوي ومن ناحية تنظيفهم والاهتمام فيهم واكلهم وشربهم وكذلك النونو كيف ارتب وقتي ووقتهم واهتمامي بنفسي وتغذيتي وآكل النفاس وربي مخربطه وماادري اصلا متى موعد الولاده هل بداية السنه او بداية العام الدراسي علشان تجهيز المدارس للأسف لحد الآن مااعرف موعد الولاده بليز اللي متعوده على نفاسها ببيتها تفيدنا وكيف نظمت وقتها مابين الاطفال والنفاس اقل شئ العشر ايام الأولى وبالأخص لو فيه خياطه لان كل عيالي خياطه وماادري إذا هذا نفس اللي قبلالعضوة: 1684182 , 1 year ago
@user-1740596 انا زيك تقريبا ولادتي بتكون على بدايه المدارس بس اطفالي صغار مافي مدارس لكن انا اخاف من الخياطه لان ولادتي اللي قبل جلست شهر مااعرف امشي زين و الوقفه تتعبني مااقدر اوقف اكثر من دقيقه حتى و ظهري كان مره يألمني 😔 بس كانت امي و اخواتي يساعدوني واكلي جاهز و البيبي ينيموه و يخلوني اخذ غفوه اما الحين مااعرف وش بسوي حتى لو زوجي ساعدني هو بالنهايه عنده شغل مارح يكون فاضي لي 😩 كأني بكريه والله 😂العضوة: 1740596 , 1 year ago
ابد مافيه وحده تتنفس ببيتها تنصحنا وتواسينا شوي الله كريمالعضوة: 1719504 , 1 year ago
انا نفاسي الاخير فبيتي وولادتي بعمليه وعندي عيال دقيقه اخلص وارجعلك اعطيك نصيحتي وشعوري وقتهاالعضوة: 1740596 , 1 year ago
تمام خذي راحتك منتظرينك إن شاءاللهالعضوة: 1734822 , 1 year ago
تو أناس لسا قدامك خمس اشهور ليش شايله هم من الحينالعضوة: 1719504 , 1 year ago
والله حاسه بشعورك لاني كنت زيك الفرق انتي طبيعي وانا عمليه يعني انا اصعب وكنت مثلك نفاسي عند اهلي خذي الامور ببساطه لاتشيلين هم خليها على ربي واسئلي الله العون وانه يسهلك كل شي ويسخرلك انا مابي اكون مثاليه بعينك بسهلك الموضوع لللي شلت همه زيك. الصراحه اكتئبت الفتره الاولى لانها عمليه وخفت من الجرح وولدي كان يتشقلب عندي ويلعب وكنت اخااف يطيح على بطني والرضاعه متعبه مع العمليه غير عن الطبيعي الجلسه لحالي كنت اطفش منها مره لكن انتي حاولي تسلين نفسك عيشي حياتك طبيعي كل شي بيزينه ربي. ..... من ناحية الباقي طبعا اتفقي مع الشغاله اللي بتجيك تطبخلك العشا بس وخليك على راسها علميها حطي الدجاجه اسلقي حطي بهار وعلميها على طبخك وكثري فالعشا عشان تخلينه غدا لليوم الثاني وماتوقع بترفض قولي بس ١٠ايام لين اقوى انا واقوم بنفسي الفطور خلي زوجك يجيبه من برا الفتره الاولى بس البيبي عاد هذي مهمتك انتي مسئوله عنه ولو انك عند اهلك اكيد بتقومين فيه . شاهي الاعشاب سويه انتي ماياخذ مجهود كل يوم زمزميه وسوي تمرة النفاس فالتاسع عشان لو جعتي تاكلين منها وخلي عندك فطاير لوزين للضروره . خذي اموورك ببساطه واعلمي انها ايام وبتمر .. الحمدلله منتي مشلوله ولا معاقه. ترا الطبيعي اسهل بكثييير . واذا عدت ال١٠ايام خلاص ماعاد عليك قومي سنعي انتي بس بون ماتشيلين ثقيل هذا الثقيل ابعدي عنه عشان ماتعانين بعدين مشي امورك بالبركه . ماطبختي اليوم خذي من برا اعرف ان ودك بنفاس دلع وكذا لكن هذا وين يجي وانتي فبيتك 😂الا اذا عندك طباخه من يمينك لشمالك عاد هذي ساره الودعاني الله يبارك لها ويسعدها ويهنيها . واذا زوجك عنده فلوس وتقدرين. خليه يتفق مع مطعم شعبي ويفطرك كل يوم من عنده مده اسبوعين على الاقل واذا طفرانين مثلنا اكلي الموجود والحمدلله خير وبركه تراني درااما وكنت شايله هم لكن الموضوع مو اكبر من قدرتك ...العضوة: 1719504 , 1 year ago
اكلهم اكيد واحد اللي تسوينه لك خليهم ياكلون معك ترا والله النفاس فالبيت مو دلع. زي عند الاهل لكن بعد يعتبر مقدور عليه اذاا عندك شغاله ...العضوة: 1718774 , 1 year ago
انا نفاسي هذا بتجي عمتي ام زوجي عندي عشان امي مسافره وهذي ثاني قيصريه لي واحس ابغا امي 💔💔العضوة: 1719504 , 1 year ago
طيب زين ماشاالله. يعني بتساعدك الله يسعدها يارب انا ام زوجي كانت ساكنه جمبي والله ماعمرها ارسلت صحن عصيده لله . ي الله كنت احتاج من يطبخ لي .. النفاس فيها اجرر. ؤيوم تنفست سلفتي وكانت اول مره تنفس فبيتها والله كنت اخذ وارسل لها. لاني اعرف ماتقدر تقوم الا بتعب لاني مريت بالتجربه فصرت احن على اي نفاس فبيتها وارحمهاالعضوة: 1740596 , 1 year ago
@user-1734822 خمس شهور بتمشي والله افكر فيها من الحين غير كذا الوضع ملخبط كثير كثير بنتقل من منطقه لمنطقه ثانيه وشقه ثانيه علشان كذا من الحين سايله هم أمور كثيره والله منها الانتقال ومتى بلحق ارتاح متى برتب ومتى بجهز والله مليون شغله براسي وعلق في مخي موضوع النفاس مع اني الحمدلله متعوده اتحرك من اول يوم وكان ولاداتي الأولى مبكره اطلع يوميا المستشفى وارضع بالحضانه واجلس برا البيت مايقارب اربع الا خمس ساعات واقضي الايام الأولى ببيت اهلي وبعد ال ٢٠ يوم اقضيها ببيتيالعضوة: 1740596 , 1 year ago
@user-1719504 أي والله الحمدلله الطبيعي أخف واهون من القيصري يارب لك الحمد والشكر وربي ييسرها لنا جميعا ياربالعضوة: 1684182 , 1 year ago
@user-1718774 طيب كويس احسن من انك وحيده ماعندك احد 🥺العضوة: 1734822 , 1 year ago
زي وضعك انفاس ببيتي ومعك ولادتي بعد خمس اشهور وقيصري الله يهونها علينا ماحب أفكر ونقل هم لا حقين