يالله لساتني مش مصدقه واليوم ولادي صارو 8 شهور قولو ماشاء الله قصتي انه اجهضت وضليت سنه احاول اني احمل وما يزبط معي فرحت عند دكتوره اشيك ع حالي حكتلي امورك تمام بس بدي اعطيكي منشط اوفاميت وان شاء الله تحملي وفعلا الحمدالله بهاد الشهر حملت الصدمه كانت لما رحت عند دكتوري ولا بحكيلي انت حامل ب 3 أطفال وزوجي كان معي وصرت ابكي ابكي انه كيف راح الحق علييهم وانا مش بكره عندي ولد وبنت وزوجي يهدي فيني وانا مصدومه للأمانه ما كنت متوقعه انه الحمل يكمل وحكيت يلي كاتبو ربنا بدو يصير وسبحان الله عدا الحمل وكان في أيام صعبه قلة نوم وتعب واكل ما كنت اقدر اكل ولا امشي واجى يوم الولاده وكان ب رمضان صحيت ع وجع لانه ولادي يلي قبل مخلفيتهم طبيعي وبسرعه رعت ع المستشفى وفوتوني عمليه طارئه وولدت الحمدالله وولادي ضلو 20 يوم بالخداج بعدين طلعو الحمدالله بمساعد الأهل قدرت اكمل واكيد زوجي ألو فضل كبير واليوم صارو 8 شهور يا الله كيف الايام بتمشي ان شاء الله يارب اشوفهم من أحسن الناس ديناً وخلقاً علماً ادعولهم دعوه حلوه 😊🤍