لو سمحتوا اللي مرّ بحالتي أو يعرف حد مرّ بحاجة شبه كده يطمني 🙏 أنا فاضل 5 أيام وأدخل الشهر الخامس، وحملي عن طريق حقن مجهري (دي تالت محاولة بعد تعب كبير). فجأة ومن غير أي مجهود نزل عليا دم بشكل غزير جدًا، أول مرة أشوف كمية كده، ومعاه تقلصات شديدة جدًا. دخلت المستشفى واتحجزت، والدكاترة اختلفوا في التشخيص، وآخر حاجة قالوا إنها المشيمة المتقدمة. أنا كان عندي مشيمة متقدمة في حمل قبل كده، بس عمره ما حصل معايا نزيف بالشكل ده. دلوقتي بقاله 4 أيام: الدم قل عن الأول بس لسه بينزل (أحيانًا أحمر) والمغص لسه موجود بيروح وييجي عملت سونار من يومين والبيبي الحمد لله كويس والنبض كويس بس أنا قلقانة جدًا… هل اللي بيحصل ده طبيعي في حالتي وبيعدي؟ ولا ده بيبقى بداية إجهاض؟ ياريت اللي مرّ بحاجة شبه كده يطمني، محتاجة أسمع تجارب حقيقية 🙏 وادعولي ربنا يتمملي على خير 🤍