مامات أنا من السنه الي فاتت كل شهر عم افكر افوت بحمل بس بتردد وبخاف وبخلي أيام التبويض تمرق خصوصي حتى جوزي بدو نجيب كمان ولاد ( أنا عندي ولد وبنت ) الولد ٧ سنين والبنت ٤ و٨ اشهر كل شهر بنق علي بدو ولاد وابني بضل يبكي بدو اخو بس أنا ما بعرف ليش كل ما أتحمس للموضوع برجع فجاه بخاف وبتردد وبهرب من الفكره بكل صلاه بستدعي انو الله يريح بالي واعرف شو بدي يعني بني وبين جوزي بتصير مشاكل بس مش مشاكل كبيره عادي زي كل بيت ومحترمني والحمدلله وضعنا ماديا ماشي الحال بس أنا بعرفش ليش هيك كل مره بس تنزل الدوره بقول بدي استغل أيام التبويض وأفوت بحمل بس يقرب موعد التبويض بتهرب بعمل حالي مريضه وتعبانه عشان ما يصير جماع طيب أنا نفسي مش عارفه شو بدي حكيت قبل مره ع نفس الموضوع شوي تشجعت بس رجعت لورا مليون خطوه أنا نسبيا مش صغيره 28 سنه وانا نفسي يكون عندي عيله كبيره كثير ووالله بس ما بعرف حتى جوزي بلش يتذايق من الموضوع هاد لانو عمرو 41 سنه بصير يقلي أنا مش صغير بدي كمان ولاد العب معهم بشبابي وصحتي معي مش اختير ونا اقدر أعيش معهن طفولتهن والله معو حق بس أنا ما بعرف شو صايبني فتتره بتحمس وفتره بتهرب 😢 تعبت من هاي الحاله 😞