اللهم لك الحمد والشكر انا حامل اخر دوره 24/2/2026 حللت دم بتاريخ 30/3/2026 الله يتمم لي ع خير ويتمم ع الجميع بالخير حاليا ماعرف في اي شهر ولا اسبوع ولا يوم بسبب ان اباضتي كانت متاخره لازم اعتمد حاليا ع اول سونار وبعد ماعرف انا في اي شهر راح اسوي جدول مرتب بالاشهر و بعدد الاسابيع وهكذا راح احجز موعد بكره باذن الله وباخذ حاليا حبوب حمض الفوليك فقط . اليوم31/3/2026: حجزت موعد بعد اسبوعين ان شاء الله بتاريخ 14 ابريل وان شاء الله خير يارب اليوم 10/4/2026: معي غثيان اكلت برا واستفرغت عندهم وحاسه بخمول . اليوم 11/4/2026:معي غثيان اذا صحيت من النوم مارتاح غير اذا استفرغت ومعي نغزات مثل الكهرب بصدري اليسار بالحلمات تحديد مؤلمه ونوم طول الوقت. اليوم 13/4/2026:الغثيان مافارقني لحظة حتى المويا استفرغه وعندي موعد بكره لاول سونار يارب تبشرني بالخير فانت خير المبشرين. الشهر الاول : خمس اسابيع ( الاسبوع الاول الى الاسبوع الخامس ) الحمد لله خلصت منه . الشهر الثاني : اربع اسابيع( الاسبوع السادس الى الاسبوع التاسع) الاسبوع السادس: خلصت منه اللهم لك الحمد . الاسبوع السابع : اليوم الثالث : اليوم كان عندي موعد سويت سونار شفت الكيس والجنين كان مره صغير كبر حبة العدس وسمعت النبض اللهم لك الحمد والشكر لكن قالت فيه دم خفيف حول الكيس خوفتني منه ، وسويت تحليل دم وبول الله يكرمكم راح اعرف النتيجه الموعد الجاي ان شاء الله، وعطتني حبوب حمض الفوليك وحبوب غثيان ، قالت عمر حملي ٦ اسابيع وثلاث ايام ، طلبت مني صاحبه السونار ارجع لدكتوره بكره بخصوص الدم الي شافته وان شاء الله خير يارب . اليوم الرابع: المفروض يكون موعدي اليوم لكن الدكتوره اعتذرت ماحضرت اليوم ان شاء الله خيره يارب وحجزت موعد بكره وان شاء الله خير يارب. اليوم الخامس : تأجل الموعد للمره الثانيه يارب يكون خير الى يوم السبت ان شاء الله. اليوم السابع: رحت الموعد اليوم عطتني مثبت وطلبت مني احجز موعد بعد اسبوعين ارجع اسوي سونار من جديد اذا راح التجمع الدموي او لا وان شاء الله خير يارب . الاسبوع الثامن: اليوم الثاني: رحت طوارئ الصباح ماقدرت اتحمل الغثيان والتعب ماني عارفه اكل ولا اشرب خذيت مغذي والحمد لله الامور استقرت شوي . اليوم السادس: مدري اتكلم عن الغثيان والم المعده او الم الظهر ماني عارفه امشي او اتحرك او مراره الفم مره تعبانه وحامي صعب جدا الله يعين يارب. الاسبوع التاسع: اليوم الثالث: معي حرقان بالبلعوم والمريئ مو راضي يخليني بحالي الله يعين. اليوم السادس: عندي مشكله من الروائح كل شيء اشمه مو حلو حتى غرفة نومي كرهتها وصرت انام بالصاله حالتي مستعصيه . اليوم السابع: اليوم رحت طوارئ ماتحملت الغثيان والتعب عطوني معذي وسويت تحليل دم وبول طلع معي جفاف بسبب الترجيع وسويت سونار الحمد لله الامور طيبه وكان معي تحمع دموي وصار صغير اللهم لك الحمد والشكر ، وبنفس الوقت حجزت موعد مع دكتورتي بتاريخ 10 مايو ان شاء الله خير يارب. الشهر الثالث: خمس اسابيع( من الاسبوع العاشر الى الاسبوع الرابع عشر). الاسبوع العاشر: اليوم الثاني:رجعت طوارئ من جديد التعب والغثيان مو مفارقيني احس نفسيتي تدمرت تعبانه كثير خذيت مغذيات كثير الله ينفع فيهم. اليوم الخامس: تنومت في المستشفى بسبب الجفاف الي جاني من الغثيان والتجمع الدموي زاد حجمه من الجفاف الله يكتب لي الاجر يارب. اليوم السادس: الحمدلله طلعت من المستشفى الظهر عطوني مثبتات نوعين وحمض الفوليك ودواء للغثيان. اليوم السابع: اليوم تعبت كثير واغمى علي للاسف. الاسبوع الحادي عشر: اليوم الثاني : مستمر معي الم السيقان والظهر والروائج خصوصا ريحة بيتي مو طايقتها لكن حسيت الحمد لله صرت اقدر اكل شوي استفرغ اذا شميت ريحه حاليا . اليوم الثالث : رحت فندق ارتاح فيه كم يوم ماني قادره اتحمل البيت استفرغ منه. اليوم السابع: رجعت اليوم بيتي ورجعت نفس الريحه والشعور الي احس فيه . الاسبوع الثاني عشر: اليوم الاول: جاني هبوط واغمى علي . اليوم السابع: كل عام وانتم بخير وتقبل الله صيامكم انا ماصمت لاني تعبانه مع اني ناويه الصيام الله يكتب لي الاجر يارب . الاسبوع الثالث عشر : اليوم الثاني : معي حكه بخشمي وحكه بجسمي شديده ولازالت الروايح تذبحني مدري متى بيروح وارجع لحياتي الطبيعيه. اليوم الرابع: معي صداع شديد ، حجزت موعد بتاريخ 13/6 ان شاء الله خير يارب. الاسبوع الرابع عشر: اليوم الرابع: معي الم ظهر وسيقان وافخاذ وصداع والم بطن خفيف مثل الم الدوره . اليوم السادس : فيني الم ظهر يعورني . اليوم 12/6/2026: المفروض اسوي صفحه جديده لاني دخلت مرحلة جديده لكن ماراح اسويها لين اتاكد من الدكتوره اني كملت اول ثلاث شهور ع خير ، عندي موعد بكره يارب تبشرني بالخير فانت خير المبشرين . اللهم لك الحمد والشكر الله تمم وخلصت من الثلاث الشهور الاولى وراح انتقل الى صفحه يومياتي في الحمل في الثلاث الشهور الوسطى الله يتتمم لي ع خير ويتمم ع جميع الحوامل يارب .