ألف الحمدلله ولدت يوم السبت 10/12/2022 آخر دورة 6 مارس قبل صلاة الفجر اجاني طلق قوي بدون انذار او سوابق او علامة فجأة بدا الوجع وصار كل مرة أقوى وكان بين الطلقة والثانية وقت جداً قصير يعني طلقي إجا حامي تحملت مدة ساعة حتى اتأكدت انها ولادة لأني بكرية وما بعرف اذا عنجد ولادة ولا لا بعدها الوجع صار غير محتمل صحيت زوجي و لبست مباشر و أنا طالعة من البيت نزل علي دم رحت للمشفى وفحصوني فاتح 4 سانتي طلبوا دكتورتي واجت مباشر وانا جهزوني على كرسي الولادة وكنت بموت من الوجع والطلق ضليت هيك حتى اجت طلقة جداً قوية حسيت الولد رح يطلع وكانوا مجهزين ابرة المهدأ مباشر اعطوني اياها ونمت وصارت الولادة طبيعي الحمدلله لكن صار عندي قص بالعجان وخياط قطب صحيت من المنوم بعد ساعتين ونص تقريبا .. رح يصير اسبوع ولسا ما بقدر اجلس من الوجع بسبب القطب والحمدلله شفت ابني بخير وصحة وعقبال الجميع يلي عم ينتظروا الله يقومكم بالسلامة يا رب الله لا يحرم حدا شعور الأمومة 💙💙