#ولادة_مشؤومة #للكاتبة_جمايكا_أحمد الجزء الاول... مرحبا حبيبي الصغير ..مابقي الا قليل وتجي واشوفك بين ايدي..انا بعرف انك قوي مثل امك عم يقلي الدكتور حكي مابسدقوا ...انت سامعني ماما ، انت ابن كتير حلو وقوي وكلامو للدكتور مابعني لالي شي ..بكرة بتجي على الدنيا وانا اعتني فيك وتكبر وتصير رجال بحق وتصير سند لالي وين مارحت اتباهى فيك اقلن هاد ابني القوي يلي كان يتحدى كل شي ببطني تايكبر ..من تشرف ياحلو وتشوف ضو الشمس رح تشوف رجال جنبي اسمراني وقلبو طيب بس هو حزين بس تشوفوا رح تركض لعندو تمسح دمعتو هاد بكون بيك هيثم هو كتير بحبك مثلي بس انا اكثر..وعلى الجنب التاني رح تشووف جدو ابو سعيد قلبو طيب وحنون مثل ابي الله يرحمو هاد كان يطبطب على هم امك كتير ويداوي جرحها هو مقعد مارح يحسن يحملك ويركض فيك بدي من تجي وتكبر انت تحملو ...وفي كمان ستك ام سعيد انا بعرف انك بتعرفها اكثر مني بس هي طيبة كمان صح عصبية وحماية بمعنى الكلمة بس انا متأكدة في جواتها شي حلو اياك تزعل منا لو ما اهتمت فيك اعمل المستحيل مثلي لتنول رضاها...وفي صبية حلوة مثل القمر رح تشووفاا على قاعدة بأخر الغرفة ، من يومين شفتا عم ترتب بغرفتها ولفت نظري انو عاملة قسم صغير بخزانتا كلو العاب اولاد استغربت وسألتا راما شو بجننو اعطيني اياهن قالت لا هادولي جبتن للنونو تبعنا مشان يضل عندي قاعد ومايتركني عم انطروا اكثر منكن..بتعرف مين بتكون ، هاي عمتك راما كل يوم بدعيلا انو تعيش حياة حلوة كثير ..هي الشخص الوحيد يلي بساعدني بهاد البيت..وفي شخص مابعرف اذا رح تشوفوا بالغرفة او لاء. عمك سعيد هو انسان عادي متاكدة انا بيوم رح يغير الشر يلي بقلبو لخير ..وبس كلن يقولوا لالك مرحبا رح يجبووك لعندي لحضني رح قربك لصدري واعيش معك احلى لحظات الحنان..ورح جرب اول شعور كنت احلم فيه اني رضع قلبك بحناني .. واشوفك عم تتبسم لالي ويوم عن يوم تكبر وتحلى وتصير تقلي ماما ..وانا اركض لعندك واقلك ياعيون امك ..وتقلي جوعان واصنع لالك احلى طبق محبة تشبع منو..يالا حبيبي تعال وفرحني فيك..عم اشتقتلك قبل لاشوفك...ييييي انسينا جدو هلاء بكون عم ينادي قوم حبيبي نساعدو لازم نفوتوا الحمام ونحمموا .. لبنى :- عمي حقك عليه والله سهيت عنك.. ابو سعيد :- معلش يابنتي ، هاتي ايدك.. لبنى :- انا جهزت الحمام عمي قووم معي.. ابو سعيد :- يااااارب ياااارب يالله يالله.. لبنى :- قول يارب شوي شوي عمي قوم براحتك براحتك..رح اقرب لالك النقالة.. ابو سعيد :- يرضى عليكي يابي الله يقومك بالسلامة سامحيني يابنتي مافي بإيدي الا ادعيلك .. لبنى :-وانا يا عمي مابدي منك الا الدعاء..اعطيني ساعدك . ابو سعيد :- المي دافية.. لبنى :- اي عمي شووف.. ابو سعيد :- اي منيحة يابنتي بلشي بلشي ... ((حبيبي ابني جدك عندو شلل كامل بإيديه ورجليه..ومابحسن يحرك اطرافوا وانا ماشفت منو الا كل خير نذرت لوجه الله اني ضلي اعتني فيه..ماحد بهتم لالو حماتي مابتقبل اتحممو ودائما بتهينو الله يسامحها وسعيد مثلا..هيثم من يكون موجود بساعدني بالليل وانا بالنهار ..اما راما عمي بخجل منها مع انها بنتو ومابقبل هي تحممو..بس انا بوافق اهتم فيه ..بكون مبسوطة بس اعتني فيه وخاصة من اسمع دعواتو..عمي يوميا انا بحمموا وبفطر وبغديه وبعشيه والادوية بانتظام..في الساعة 7 دوا السكري لاتنسى ماما انا عم اعلمك مشان من تجي تساعدني انت كمان..لانو هاد جدو الغالي. اتفقنا حبيبي.. لبنى :-عمي رح تتوضا هلاء.. ابو سعيد :- اي بنتي .. لبنى :- بتحب اخدك مشوار معي بعد ماتصلى العصر.. ابو سعيد :- اها لوين.. لبنى :- بدي اروح اتمشى وهيثم اعطاني اشتري عصير لالي ولالك شو رايك عمي بدي اخدك لعند ابو صبحي تشرب تمر هندي بارد... ابو سعيد :- الله يقومك بالسلامة يالبنى ياغالية واشوف حفيدي بحضني.. لبنى :- امين عمي ابو سعيد :- وينا ام سعيد وراما.. لبنى : - راما خبرتني انها حماتي اخدتا لعند ناس قال يشوفوها وهيك مشان الخطوبة.. ابو سعيد :-الله يهديكي يا ام سعيد وصلتي ادللي على بنتك ببيوت الناس..اعطيني السجادة بنتي صرلو الاذان ربع ساعة .. ..... في المساء... لبنى :-لحظة عمي هاد هيثم جاي بدي نادي عليه ليقدر يحملك لفووق مشان ما تتعب شو قلت..هيثم هيثم.. هيثم :- ها رجعو شو يابي كيف المشوار.. ابو سعيد :- روح يا غالي الله يفرحك انت ومرتك مثل مابتفرحوا قلبي.. هيثم :-عملتو حسابي بالتمر الهندي ابو سعيد :- مرتك ماقبلت تمشي الا تجبلك نصيبك ساعدني يابي اطلع لفووق بدي الحق صلاة العشا وانام.. هيثم :- ماشي يابي قول يارب رح احملك على ظهري.. لبنى :-وانا رح جهز العشا لالك هيثم.. هيثم :- اي يالا ياقلبي رح اتعشى مع ابي جهزي لالنا سوا لبنى :- اي اكيد مارح اتأخر .. راما :- لبنى رجعتي لبنى :- اي من شوي اجهزلك مع هيثم وعمي عشا. راما :- لا مسدودة نفسي لبنى :- ليش شو صاير معك #يتبع ↯↯