بنات عندي موضوع وبتمنى من اصحاب الخبرة يلي بيعرفو يجاوبوني عليه بالتفصيل انا من تقريبا اكتر من سنة بلش عندي وسواس بالنجاسة والطهارة كل مرة تجيني فكرة جديدة عن موضوع نقل النجاسات ووصلت لمرحلة ابكي من تعبي تخيلو عندي بنت صار عمرا تقريبا تلت سنين ونص ولحد هلا ماعلمتها عالحمام من خوفي من النجاسات وانتقالها تخيلو ان كل ماالمس شي عندي بالبيت لازم اغسل ايدي منشفة اليدين كل شوي اغيرها والله العظيم والله العظيم حرفيا انا تعبت وبشدة صرت كل مااروح لحدا ارجع احمم بنتي واتحمم واغير غراضي كلها صرت اخاف ادخل الحمام مشان النجاسة وحاليا حامل بداية حملي وكل مااتذكر ان مراجعة الطفل من النجاسات يصيبني اكتئاب اكتر لان حاسة نفسي رح اتعب كتير من هالقصة وكل ماحاولت اتخلص منه بروح لفترة صغيرة وبيرجع اقوى من ثبل وبخليني افكر تفكير اعمق بكتير من اللي كنت افكره اقسم بالله تعبت مافي شي عبريحني صار عندي روتين كل مايجيني ضيف بس يروح لازم اقوم اغسل كلشي من سجاد ومدات والعاب كلشي كلشي واشطف كل البيت بالمي ومع هيك مابرتاح داىما بحس كل شي نجس انا عم اتدمر حرفيا كل مابشوف العالم عايشة عادي وطبيعي ومبسوطة وانا عندي هاد الوسواس بتدمر بزيادة حتى وقت جماعي مع زوجي صرت احط شرشف خصوصي لاني احس المكان كله بيتنجس كرمال الله يلي بتحسن تحكيلي شي ارتاح فيه لاتبخل واللي عندا تجربة تحكيها بعرف طولت الموضوع بس والله هاد كله مجرد جزء بسيط لسا ماحكيت كلشي بصير معي مشان الله لاقولي حل