بشوف نفسي على المرايه اشوف شخص مااعرفه من كم سنه بس تغيرت تغير كامله وجهي صار شاحب جسمي تغير وزاد وزني وانا طول عمري جسمي رشيق وماعندي زيادات حتى مع الحمل والولاده فجاه من كم سنه تغيرت ونفسيتي تغيرت شعري طاااح كل ما أشوف صوري كيف كنت رشيقه وشعري طويل وجميل وبشرتي صحيه انقهر على حالي وفي نفس الوقت اروح اكل اكثر صح زياده وزني مو خياليه وممكن لو حطيت برنامج شهر شهرين ارجع جسمي بس نفسيا مو قادره أبدا أجي بحط ماسك لوجهي مااقدر مالي نفس احاول ابدء بدايه جديده مااقدر احاول أخذ فيتامينات الي عندي منها أشكال واللوان ما التزم وعندي نقص فيتامين دال شديييد محبطه كارهه نفسي على الرغم الحمدلله زوجي كويس معاي ولكن المشكله في السكن ماعندي اي خصوصيه وعندي أطفال ومحشورين كلنا فوق أهل زوجي في غرفتين وصاله ومطبخ رغم مستوى زوجي المادي ممتاز واهله مستواهم المادي ممتاز جدا ماشاءالله تبارك الله لو كان مستواه بسيط وعلى قده خلاص بصبر وأرضى والمشكله وعدني نشتري بيت وطال الانتظار رحت بيوت كثير ولا اشترينا شي وانا متأكده ان فيه سبب فيه شي من وراي مأخره ومانعه ونفسيتي في مدمره جدا جدا والي يشوفني مايتوقع ان كل هذا الحمل الثقيل على راسي تعبت ضاع عمري وانا انتظر البيت والخصوصيه والحياه الطبيعيه