مسائكم فل بنات معلش حابة اسال عن كذه حاجة بم اني مامي جديدة وفي حجات كتير مش فهماها ومع الاسف مش عندي حد يفهمني وماما الله يرحمهاا امتي اقدر اقف ف المطبخ واتعرض للحرارة بعد العملية القيصريه انا كده بقالي ٩ ايام فكيت باستر الجرح بعد اسبوع ودلوقتي بستخدم المرهم والكحول كل يوم ك غيار ع الجرح تاني حاجة امتي اقدر ادخل التتينة او اللهاية للبيبي ولا مدخلهاش اصلا؟ ثالث حاجة هل طبيعي البيبي وهو بيرضع يوقف رضاعه كام ثانية ياخد نفسه ويكمل ولا كده في مشكله تتعرض ع دكتور ؟ رابع حاجة ابني كل يرم تجيلو زغطه الي عي الحازوقه يعني للي مش عارفه زغطه وبيقولو دي بتوسع معدته هل ده حقيقي وطبيعي ولا اي؟ خامس حاجة حاسة ان اللبن بيقل ف صدري اعمل اي عشان اذودو لاني حاسة ابني مش بيشبع ؟ وكمان لو شغط لبن وادتهولو ف الببرونه مرة ف اليوم او مرتين بالكتير هل ده يعملو التباس حلمات او يعني يفضل الرضاعه من الببرونه ويبطل يرضع من الثدي؟ وشكرا مقدما للي هيقدر برد علياا♥️