بنات انا منهاره هذا الحمل الخامس لي واول حمل اسمع نبض الجنين واشوفه يتحرك واوصل لشهر الرابع فجاه نزل مني ماي وانا كنت اعالج من اسبوع عن التهابات البول قالوا لي اجهاض مافي امل يعيش 😭لو كان عمر حملك اكبر ممكن يعيش ممكن لا بس احين لا مافي امل اههه منهاره يارب يارب صبرني ... يابنات اللي مريت فيه احس اني كنت بحلم وللحين ماصحيت منه كل يوم بكي وانهيار اول مره اشوف جنيني بسونار وافرح فيه واوصل الشهر الرابع ويصير فيني كذا 💔💔💔كنت انتظر احس بحركته في رحمي بس شاء الله ياخذه قبل كنت انا وابوه نحلم في اليوم اللي يجي ونحسب الاسابيع ونحسها ثقيله علينا ماتمر بسرعه بداية الحمل كان في يصير نزيف ومرات دام عادي بس بعدين الحمدلله الوضع استقر معانا وراح الخوف بعدها جات اوجاع وحللت طلع التهاب بول وتعالجة وخذت مضاد وكنت حريصه اجلس لوقت العلاج بس للاسف مامر الموضوع وصار الانفجار اللي فجاه دخلت الحمام وحسيت شي انفجر 😭💔وطشر الماي على جسمي ناديت زوجي وهو نايم قام مفزوع ورحت الطوارئ وانا على اعصابي واحس بطني صارت رخوه وكشفوا ماحصلوا الماي ولا الكيس وتنومت وكل شوي كشفيات ومافي الرحم فاتح بعد الماي والجنين موجود بدون كيس ماي مايتحرك😭😭😭قالوا لو ثقب كيس ممكن يرجع الماي بس انفجار مافي كيس احين كيف الجنين يصير محمي وكيف يرجع الماي وحالتك انتي بتكون بخطر نزيف وراح يجيك تسمم وانا قلبي نار منهاره والممرضات يهدوني لين خلاص زوجي قال امر الله وحياتك اهم وعطوني حبتين تحت لسان وعلى طول جاتني رجفه شديده ارتجف وجلست استفرغ واوجاع شديده ابد ماتنوصف بااوجاع دوره اول مره احس في اوجاع كذا جلست اصارخ بااعلى صوتي من قوة الالم وحسيت شي نزل واشوف طلعت رجول ويزيد الوجع اكثر واكثر ويطلع الراس وبعد الراس طلعت كتل دم كنت اظن انها المشيميه بس طلعت لا المشميمه مو راضيه تطلع تعذبت على ماطلعوها مني ضغطوا بطني بقووه ويدخلون يديهم عشان تطلع يارب يعظم اجر امهاتنا 😭😭اقول حجمه صغير وكذا كيف الكبير يوم شفته جلست اطالعه بصدمه وسكات كان ودي اضمه لصدري بس ماقدرت لمست راسه وحركت رجوله وشفت ان ولد مثل ماكان احساسي انه ولد 😭وانا ماهمني ولد او بنت كان يهمني ان يولد بسلامه تعذبت كل ٤ساعات يعطوني حبوب عشان مايبون تبقى ولا قطعه من الحمل في رحمي وكل شوي كانوا يبون يحولوني تتظيف بس يكشفون السونار واروح الحمام تنزل قطع طلعت من المستشفى امس بس للحين كارهه الشقه وكارهه كل شي رحت بيت اهلي بس ماسكت منهاره الله يجعله شفيع لي ولوالده 💔💔💔💔 دعواتكم لي بصبر