أنا هلئ حامل ورح أدخل شهري الخامس يعني صورت وبين شو جنس البيبي وحالياً نحنا بمرحلة اختيار الاسم ومتل أي عائلة عنا خلاف وأنا بدي سمي شي و زوجي حابب يسمي شي طبعاً حملي كان بعد تأخر إنجاب لسنة وشوي موضوعي المهم أنا بعد سنة من علاج تأخر الإنجاب مارح قول إني يأست لا والله حاشة لله ايأس من رحمتو بس مليت من الانتظار وصار عندي اكتئاب ومشاكل زوجية كتيرة فشلت موضوع الخلفة وما عدت رحت ع دكاترة ولا عدت اخدت دواء وحاولت قدر الإمكان عبي وقت فراغي وما فكر بالحمل والأطفال وهل قصص طبعاً كانت فترة صعبة واللي جربت شعوري رح تفهمني المهم بهل فترة شفت منام غريب شوي أنا ما خفت منو بس استغربتو ولما فسرتو ابتهجت وتأملت خير وما كنت بعرف ألو تفسير باقي لمن يومين استوعبت الموضوع المنام كان (فقت بغرفة ظلام إلي هي غرفت نومي على صوت رنة هاتف وكان الاتصال من جارتي الساكنة فوقي اتوقع كان الوقت متأخر بحدود ال ٣/٤ الفجر كانت عم تقلي بصوت مرعوب نزلي بسرعة من المبنى صاير زلزال وأنا مباشر بفيق زوجي وبقلو ع السريع قوم في زلزال شيل شنطة (عمر) وانا رح شيل (عمر) والحقك وبالفعل عمل جوزي متل ما قلت وانا قمت من سريري والغرفة ظلام مو مبين شي العم يضوي الغرفة بس سرير بيبي لونو أبيض وطالع منو متل نور وأنا ركضت عليه وبشوف بقلبو بيبي صغير لابس افرول ازرق وهوي كتير حلو وكان فايق وعم يطلع فيني ويبتسم شلتو بسرعه ضميتو وتذكرت حجابي رحت غطيت راسي وركضت ورا جوزي وهن بلشت البناي تهتز اكتر على طلعتنا انا وزوجي ومعي البيبي الاسمو (عمر) بطب البناي ) ونفس اللحظة بفيق وبتعاوذ من الشيطان بعد كم يوم حكيتو لوحدة عندا خبرا بالمنامات وقالتلي فيها أخبار حلوة وفي المو حلوة وذكرتلي الحلوة بس واللي هي اني رح أحمل عن قريب والتفسير الحقيقي الصار كالتالي أنا فعلا بعد فترة شهرين من المنام طلعت حامل بدون اي تدخلات طبية ولله الحمد والشكر وخراب المبنى أو البيت فهاد صار وهاد الجزء السيئ كبرت مشاكلنا أنا وزوجي بنفس الفترة الشفت فيها المنام وبدون ذكر تفاصيل وصلت لطلاق وبالاخير رجعنا لبعض بعد ما فهمنا بعض وتوصلنا لحل يرضي الطرفين وانخرب ببيتي جوزي بساعة غضب سلم بيتنا وباع كلشي في وإن شاء الله كلشي بتعوض مع الايام بقية المنام أنو البيبي كان لابس ازرق يعني ذكر واسمو عمر فهاد من جديد فسرلي ياها شيخ وهي أساس موضوعي قال الشيخ إني تبشرت في من قبل ما ينزرع بأحشائي وربي خبرني أنو رح يكون ذكر واسمو عمر ولازم سميه بهل إسم لأنو مو مجرد منام هي بشارة من الله عز وجل وذكر الشيخ قصة لمرأة تبشرت بولد ونذكر شو اسمو بالمنام وهي المرأة ما أخدت البشرى بعين الاعتبار وتوقعت منام عادي وانجبت ولد وسمتو غير اسم كان الولد سليم أول جيتو على الدنيا فجأة تعب ودخل العنايه وهي لجئت لشيوخ لرقية شرعية بعد ما الأطباء قالو استنو فرج الله وحكت لشيخ منامها ومباشر قلها لازم يتغير إسم الولد للاسم الشفتيه بالمنام وفعلاً غيرو الإسم والبيبي مع الأيام رجعتلو صحتو ولا كأنو كان فيو شي آسفة اطلت الموضوع نهاية القصة هل أنا لازم أسميه الإسم فعلاً ولي مرت بنفس التجربة أو سمعت عن شي مشابه تخبرني إذا هل شي جد حقيقة أنا متيقنة انو منامي كان بمثابة طبطبة على قلبي لأنو شفتو بأصعب مراحل حياتي وأنا حابة الإسم كتير ومن قبل الحمل حاطتو ببالي لأني كتير بحب قصة الصحابي عمر بن الخطاب رضي الله عنه وكمان هاد اسم أخي الصغير اللي أنا ربيتو وإسم أبو زوجي الله يرحمو يعني جد البيبي زوجي بداية رفض بشدة الإسم و متمسك بأسم صقر 🥲 بعد قصة المنام غير رأيو ولان شوي واقترح نحرف بالاسم شوي 😐 مثل عمرو أو عمران أو عامر بانتظار نصايحكن ❤️🌹