لما ربي بيرزقك ب طفل في ناس بتجيك وبتقولك نصائح رد بالك تسمعيهم نهائي ونقولك شن تردي عليهم ركزو كويس ‼️‼️‼️ 🟢بيقولولك اعطي لولدك الماء بيش مايدخلش في جفاف ، قوليلهم الحليب هو ماء 💧 اصلا وفايدته طفلي في الحليب مش في الماء لما يكبر ويوصل 4 شهور وياكل تو نعطيه ماء 🟠بيقولولك قمطيه كويس بيش يطول ، قوليلهم هو مش عجينة الطرل ليه علاقة بالجينات والقماطه دير خلع في الحوض 🔵بيقولولك خليه يبكي عادي مادوريش، قوليلهم لا ولدي محتاجني ولازم نشده ونكون جنبه اني عندي احساس مش زيكم 🟡بيقولولك كان بطعميه اعطيه قبله خافض حرارة ، قوليلهم لا تنعطى بعد اللقاح وكان ارتفعت 🟡بقولولك ماتخليهش يرقد في صبح بيش في ليل 🌙 يرقد ، قوليلهم رضيع مازال مايعرف الليل من نهار خلوه براحته نتحمل اصلا علاش ام اني 🟣بيقولك شن فيها كان كح ولا كان مارضعش يوم ، قوليلهم هذا رضيع 👶🏻 ومايتحملش ولازم نرفع نكشف عليه بسرعة 🔵بيقولولك شن فيها كان اعطيتيه الهاتف ولا التلفزيون ولا شكلاطه ، قوليهم ممنوع هذا كل على ولدي لانهم يسببو فرط حركة وتشتت انتباه وعصبية ولدي يبي يلعب ويجري ويعيط 🟢بيقولوك كيف متحملاته ولدك حركي ، ولدك يعيط . قوليلهم انتم بتربوه الحمدالله اني وبوه عايشين وان شاء الله مايحتاجكم