بنات حبيت اشارككم قصتي بدت عندي اوجاع من فجر الخميس الساعة 2 ولما شفتها تقاربت وزادت الساعة 4 اتوجهت للمستشفى طبعاً مستشفى حكومي دخلت وفحصوني وكنت مفتوحة 2 ونص سانتي للعلم دورتي 1 مارس يعني كنت بالشهر التاسع لي 3 ايام فقط ف قالوا انهم مالهم علاقة اذا الجنين خرج تعبان والحضانة مليانه عندهم طبعاً كله تصريف عشان يخوفوني واطلع من عندهم المهم اللي فهمته انه فاضلي شوية وقت يعني قالت القابله انه يلا اولد ف الظهر أو العصر قلت لهم خلاص ابقى عندكم تحت المراقبة لين اولد طبعاً رفضوا رفض قاطع مستحيل نخليك وانتي لسا بعيد روووحي البيت وارجعي لمااا قدك تتفكي كامل طب انا ماادري كيف لازم اكون بحيث افهم انه افتكيت كامل ولا لسا المهم اصروا ورفضوا وطلعوني.. انتقلت لمستشفى ثانية بمنطقة ثانية كمان حكومي وكنت افتكيت 4 سانتي برضو رفضوني قال تعالي وانتي اقل شي 8 او 9 سانتي اقل من كذا مانقدر نبقيك عندنا طيب عندي الالم بالاضافة كان عندي حمى قلت لهم انا خايفة اروح واولد بالبيت ماعندي حد يفهم وكمان مريضة عندي حمى قالوا ونحن مانقدر نبقيك وانتي لسا بعيدة والحالات مليان حطولي دريب فيه ابر ومسكنات ومنها الاوجاع كلها اختفت ولا رجعت لييين الليل دلوني على وحدة قابلة رحت لبيتها وفحصتني قالت مفتوحة 5 سانتي والاوجاع راحت بسبب الحقن اللي عطوك بالمستشفى المفروض تكوني قد ولدتي وراس الجنين بباب الفتحة المهم قالت اذا حابة اولدك عندي طبعاً كنت خايفة من فكرة الولادة بالبيت بس متطرة مافيش مستشفى حكومي قبلتني والخاص يحتاج فلوس زي الرز...💔 المهم قبلت اولد عنده حطت لي دريب ردلي الاوجاع من جديد وخلال 3 ساعات ولدت الحمدلله على نعمة عطاياه⁦❤️⁩⁦❤️⁩⁦❤️⁩