3 years ago
  • المرحلة الثالثة (الأشهر 9,8,7)
لاحظت في بنات تدور الفتنه فالحساب يعني تجي تسوي نفسها تفزع للي تعلقي لها. انتي اصلا تتكلمي بذوق وادب واحترام والشخص الاخر كذلك مو فاهمك غلط بس تجي وحده مدري من وين تطلعلك تبي تفتن . مادري هو من الملل وله هرمونات الحمل عندهم يدورو مشاكل... المشكله الفتنه أشد من القتل يعني عيب تجي وحده تشوش الوحده عالثانيه ... ياليت بالعكس الناس تصلح بين بعضها مو تسبب فتنه.. زايده المشاكل و زايده الآحاد و الكراهيه بين البشر صراحه.... شوية تسامح وحسن ظن فقط دا المطلوب فالحياه عشان تصير القلوب نظيفه... الله المستعان.... طبعا انا ماتكلمت عن حد معين ولا ذكرت حد معين ولابيني وبين اي حد مشكله اتحاشى الأمور دي خصوصا أشخاص ماعرفهم ماحب أخوض وياهم نقاش لان ماحب حد يقذفني او انزل من مستواي.. تحابو في الله... حبو الخير لبعض و خلو قلوبكم صافيه الكلام لي ولكم.. للجميع الله يسهل عليكم جميع كلكم حوامل او امهات لساتهم نفاس او منتظرات حمل محتاجين نفسيات حلوه يعني.. راعوا بعض وحنوا على بعض،،،، والله حرام حامل ينتفض جسمها من القهر مثلا بسبب وحده شتمتها لعرضها او سخرت عليها او اخذتها بكلمه... كلكم محاسبين وانتو حوامل لازم نخاف ربنا فبعض عشان ربي يرزقنا الذريه الصالحه ويسخرهم لنا ويحفظ لنا عيالنا..... ربي يسهلهااا عليكم جمييييع حمل و ولاده و تربيه.... يارب ياكريم

29 تعليقات

العضوة: 284584 , 3 years ago

هلا كل حد وتفكيره بس انا عن نفسي ماحب اشكي لحد....احب ان اشكي لله وحده لان بابه مفتوح

العضوة: 1372373 , 3 years ago

بس كيف تقولك قفلي فمك هي من وين شافت فمك مفتوح😂

العضوة: 1372373 , 3 years ago

كلنا حساسات🥲

العضوة: 1153440 , 3 years ago

😂نيتها فم الكيبورد 🤣... شفتي شلون حتى وهي غلطانه بحقي ادافع عنها الله يصلحها ان شاءالله ماتشوف موضوعي دا اخاف تكمل هوشه ويايي 😂 لا صحيح عملت لها حظر الحمدلله مالي خلق مشاكل.....

العضوة: 1153440 , 3 years ago

صادقه.. الاحساس نعمه يخليك تراعي مشاعر غيرك مثل شعورك بذاتك... ...(الشخص السوي فقط)

العضوة: 1534277 , 3 years ago

فيه وحده هنا تعرفي المعلمه اللي تجي المدرسه وتكون مشحونه من مشاكل بيتها وتفرغ غضبها ع طالباتها ؟ هي بالضبط كذا احسها تفتح البرنامج هذا بس عشان تفرغ غضبها ونفسيتها في البنات تفتحين التعليقات عندها ما تلاقين كلمه او دعوه حلوه كله انتقاد وشتم و زيادة جرح للسائلات .. الاداره حضرتها راحت فتحت حساب ثاني ومستمره كلمتها ونصحتها لكن مافي فايده فلما شفت كلامك ع طول جات ببالي ! سبحان الله كيف ممكن الانسان يكون جداً سييء لدرجة حتى الغريب ما يسلم منه الله يعفو عنا وعنها ويهدينا جميع

العضوة: 1153440 , 3 years ago

ع فكره احس في بنات حقيقي فيهم وصفك يعني يمكن فعلا هي متعمده تدخل الحساب تفرغ طاقتها تحس لاحسيب عندها هنا ولا رقيب مقهوره مشحونه مضغوطه تجي ترمي طاقاتها السلبيه عالاخرين عشان ترتاح نفسيا وكأنه علاج لأمراضهم النفسيه الانسان السوي اذا أخطأ يتألم ويتدمر هم كأنهم مصاص دماء يمتصو طاقات الناس الأفضل الواحد لايطيل نقاش معاهم... انا في وحده اعرفها لما تعصب دايما تقول يارب الاقي لي وحده الان واتهاوش معاها مقهوره ابي اطلع قهري فيها 😕😕😕 هو جمله دايما تقولها من تتعصب وتحلف انها تبي اي حد يغلط عليها عشان تطلع حرتها لدرجة مره طالعه معاها بالسياره كانت معصبه وقالت الكلام دا طبعا كالعاده وفمشوازنا هي تغلط عاللي يسوقو وتسبهم وتشتمهم اقول لها يا اختي ترا انتي الغلطانه وله اهمشي تفرغي غليلك قالت اي اي مقهوووره وابي بس اطلع حرتي... 😅😆 اسكتي عني لاتدافعي عن حد لا اغلط عليك ومابي اغلط عليك... 😂 الي تكلمت عنها ليست ٢ديقتس طبعا ولا شخص مقرب مني روحيا إنما قريبه من الأقارب لكدا يصادف اخرج معاها والتقي فهيا اكيد... وهيك... الله يصلحهم يارب ويعين خلق الله عليهم...

العضوة: 1341612 , 3 years ago

بعض الناس قليلين ادب مع أنفسهم قبل يكونو مع الغير سوا عبر التواصل او في حياتنا الواقعيه كن محترم ولا تاوذي احد ولو بكلمه تخيلي اراجع في مستشفى ممرضه سودانيه سألتها بنتي عمرها سبع سنوات انتي مروحه قالت لها ايش دخلك جت بنتي تقول ليش قالت لي كذا ردها بين سوا أخلاقها سوا مع كبير أو صغير بعض الناس لا اخلاق ولا ادب الوحد يراعي مشاعر غيره ويقل خير أو يصمت

العضوة: 1502684 , 3 years ago

يعمري حرام على الممرضه🥹🥹🥹اكيد بنتك تضايقت من الموقف بس ضروري تفهمينها انها بتقابل عينات كثير زي كذا ضروري تقدر تواجه هالمشكله بالمجتمع وتقوي نفسها وتطنش

العضوة: 1341612 , 3 years ago

ايوه والله زعلت قلت لها مالك منها هي كذا اروح المستشفى ودايم معصبه تفرق طاقتها السلبيه مع الناس حتى لو طفل 🙄

العضوة: 1153440 , 3 years ago

سبحان الله حتى الطفله أرقى منها.. ياليت يعطو الموظفين بالخصوص الي بالمستشفيات دروس فالاخلاق لان صايرين نعاني كثير بالمشفيات والله اني شفت العجب الي ماتوقعت اشوفه بيوم من ممرضات... وصبرت... موقف بس واحد من الي شفته لما اجهضت وخلصت اجهاضات بالاسبوع ٢١(بعيد الشر عنا وعنكم) حطولي مغذي وجت الممرضه تشيك عالمغذي وكنت مغمضه عيني مسلمه امري لله... سمعتها تتنهد وتقول ناااايم ومرتاااحه الحمدلله والشكر.... 😭😭😭ماعمري انصدمت نفس هالصدمه يعني اعرفها ولاتعرفني بس لان وانا اطلق كنت اصرخ كان مؤلم جدا احتمال لان ازعجته طول الفجر وانا اتألم وكنت ادقدق عليهم عشان يجولي لان كنت احس باموت بمعنى الكلمه واول مره كنت اجرب ولاده وطلق... بس حسبي الله عليها ماسامحها وربي فتحت عيني وقلت لها وفيني الغبنه انا مرتاحه؟؟؟؟؟ تتمني تكوني مكاني يعني؟؟؟ 😭😭طلعتني بنظره غريبه قالت شوي وبيجي لك الأكل.... شكلها حتى الأكل عينها عليه الله لايحللها وش ماكانت ظروفها. ... مالهم ذنب المرضى ظروفهم قاسيه كلهم...

العضوة: 1153440 , 3 years ago

ضروري تبليغ عليهم بالذات اذا تحسيها مستمره ويتكرر الشي او انك تكلميها وتخبريها انك راح تشتكي عند الاداره وان المرضى مالهم ذنب وهي فمكان و وظيفه حساسه لازم يكون عندها صبر وحلم... الله يهديهم اكيد يمرو بظروف لكدا نتسامح مره مرتين مو مشكله بس مستمر غلط هالشي.... وفي اغلاط ماينسكت عنها من البدايه لازم تبليغ...

العضوة: 1705202 , 2 years ago

كل اناءً بما لديه ينضح كل الذي تفتن او تعمل مشاكل أو تشتم تعبر عن أخلاقها وتربتها والله الواحد ينزل نصيحة تطلع لك واحدة تشتمك وتسبك وتقول كلامك وصخ وهو كله نصيحة