مساء الخير كيفكم بنات شخباركم ؟ المهم سويت ذَا الموضوع عشان اللي عندها تجربه ناجحه مع الرضاعه الطبيعية تفيدنا كلنا او اللي عندها نصائح او كلام إيجابي 💪🏻 انا نفسيتي جدا تعبانه بسبب ذَا الموضوع ماودي احرم طفلي من هالفايده العظيمه لكن والله احس إحيانا انهار خصوصا اذا شفت انه يجوع و احس ما يشبعه طبعا الاشياء اللي اعاني منها هي : 1- ما يرضع تمام الا من صدر واحد الثاني مجرد ما احطه عليه يشرق و يخوفني الصراحه ف صرت ما احب أرضعه منه . 2- مع اني متاكده ان وضعيت الرضاعه صحيحه لكن ما احس انه مرتاح كل شوي يمسك و يفك لين يعصب و يقعد يبكي بصوت عالي و يوترني . 3- الكلام السلبي و حرام عليك ما يشبع ، عطيه صناعي و ارتاحي ، ماراح يسمن طبعا امي اكثر شخص يبغاني أرضع صناعي لانها تشوف معاناتي و زوجي جدا معارض للصناعي . 4- انه ينام وقت الرضاعه و ما يبغى يكمل الرضعه و اقعد تقريبا ساعتين اصحيه عشان يشبع بس و يروح وقتي خصوصا لو ف الليل . 5- حقيقي احسه ما يشبع مع انه الحمدلله فيني حليب و يانبني ضميري و اقعد ابكي معاه . محتاجه ارائكم و تجاربكم و كيف انظم الرضعات و انجح في الرضاعه الطبيعية طبعا الحين صرت اشفط له و احيانا ادخل رضعة أعشاب و رضعه صناعي 💔