كيفكم بنات ؟انا صراحة بفضل ربنا علي وهاي نعمة الحمد لله اني إنسانة قنوعة صح بيتي صغير وساكنة بمكان عادي بس بالنسبة إلي بيتي قصر ،المهم دار حماي فوقي ساكنين حماتي وعمة زوجي وبنت حماي ،حماتي الله يرحمها توفت وبنت حماي تزوجت ،وضلت عمة زوجي فوق وانا كتير بحبها وهي بتحبني وكل امورنا تمام منتغدى سوا كل يوم،ويوم الخميس بيجوا عندها بنات حماي وانا ام لاطفال 2 ، مرات بطبخلهم ومرات هما بجيبوا اكل وبحاول ادلل قد مابقدر زوجي وضعه المادي مش كتير مابقدر كل خميس اعمل أكل وبحس بستحي لما مااعمل وهما يجيبوا ،المهم اتفقوا البنات من شهر أنه كل خميس عند وحدة فيهم يروحوا يتغدوا وماحكولي والله مابدي اروح بس عز علي كتير اني انا قديش بدللهم ومهتمة بعمتهم وفيهم حتى عمتهم هما قاعدين بتقلي قومي قشري فواكه بقوم وبساعد وبخدم،فمن يومها حسيت أنه انا مش ضروري كل خميس اطلع اشوفهم الشغلة التانية قريبتي متزوجة وماشاء الله الله يباركلها ويزيدها من نعمه وفضله يارب ،لما انزل معها عالسوق الا ماتشتريلي شي وتعطيني اياه هدية وانا من جواتي بتحسس لاني مابحب اكلف حد هي زي اختي وبحبها كتير بس كتير بستحي وبنحرج بس حبيت افضفض