كيفكم يا حلوات الحوامل كيف حملكم بلشتو تتعبو او لسا الحمد لله والشكر انا صرلي شهر ونص ولدانة الف الحمد لله ع هالنعمة والله يطعم كل مشتهية يارب ويتمم لكل حامل ع خير حابة اشارككم تجربتي فجنس الجنين انا عندي ولد قبل الله يخليلي ياه ولما حملت كنت اتمنى تكون بنوتة وحتى كان عندي يقين لدرجة انو انا حامل ببنوتة ولما صرت بالشهر الخامس رحت ع دكتورتي ولما سوتلي سونار مهبلي قالتلي ولد وبعدها سوتلي سونار بطن صار يغطي حالو وقالت انا شفت بالاول انو ذكر فأنا ضليت بحيرة وعم اقول انا احساسي بنت اكيد هي شافت غلط وجيت ع البيت لقيت البنات هين بالبرنامج يحكو عن الحساب الصيني او هيك شي اسمو 😂 قلت خلي اجرب حطيت التواريخ طلعلي انو انا حامل ببنت قلت الله يغفرلي لانو هذا كلو ما يصير اللي كاتبو ربي هو اللي رح يجي وماحدا يقدر يعرف مافي الارحام غير رب العالمين المهم ضليت بحيرة رجعت بالشهر السادس والسابع كمان عند الدكتورة تقول ماعم يخليني اشوف عم يغطي حالو المهم رجعت لعندها بأخر الثامن قلتلها دكتورة بدي تتأكدي ضروري لازم اجهز الاغراض لسا ما اشتريت شي سوتلي سونار وقالتلي ولد بس حسيت او هي ما شافت شي بس قالت هيك ع السريع مشان ابطل اني فوق راسها 😅 المهم طلعت قلت خلص رح اشتري ثياب اولاد واللي كاتبو رب العالمين هو اللي رح يصير واشتريت كلشي وانا عم احاول ما اشتري لون أزرق ولسا عندي يقين انو بنت 😂 والف الحمد لله بتاريخ 27/07 طقت ماء الراس الصبح ورحت ع المستشفى والساعة 20:14 ولدت وكانت ولادتي كثير صعبة إبرة الضهر ما اخذت علي والحمد لله كلها عدت على خير وولدت ولادة طبيعية ولما ولدت هين كانت المفاجأة انو عنجد ولدت احلى صبي بالدنيا الله يخليلي ياه ويحفضو يارب وعقبال قومت كل الحوامل بخير وسلامة بدي من كل وحدة بهالبرنامج تستفاد من قصتي لا ضلي في حيرة وتقولي لا انا عندي يقين انو بنت او ولد وهي الدكتورة تكون شايفة وصلي تشككي وتوسوسي حالك مثل ما قضيت انا تسع شهور موسوسة ولا تثقو هذا حساب صيني هذا حساب هندي كلو كذب وتنجيم وهاي كانت قصتي الحمد لله ❤️🙏🏻