بنات انا متزوجة من ٦ سنوات داخلين بالسابعه حملت بعد سنتين من زواجي وكان طبيعي مافي اي شي بس نزل دم خفيف بالشهور الاولى واعطوني مثبت الدوفاستون ووقف بالشهر السابع اول اسبوع جتني طلوق ولا كنت اعرف انه طلق تحملت لين رحت المستشفى وطلع الرحم فاتح وولدت على طول وطبعا البنت ماعاشت بعدها بسنتين حملت مرا ثانيه بالشهر الرابع فتح الرحم ١ سم وسويت ربط عنق الرحم اول مادخلت السادس نزلت موية الراس وقعدت اسبوع بالمستشفى ع اساس تزيد الموية لكن مات البيبي ببطني وولدت بطلق صناعي تخيلو فكو الربط وعيا يفتح الرحم اللحين انا حامل وقبل اقرر احمل رحت سويت فحوصات وسويت صبغة الرحم وطلع معي تخثر بالدم وصرفت لي الدكتورة ابر كلكزان + ابر تثبيت + تحاميل التثبيت ساكلوجيكست+الدوفاستون والاسبرين واللهم لك الحمد وصلت الحين ٢٤ اسبوع طبعا من حملت وانا استخدمهم بس امس نزل علي بني ورحت الطوارئ والحمدلله الرحم مقفل ادعولي يا بنات وربي مرا تعبت وقلت اقول تجربتي عشان لو فيه احد نفس وضعي يستفيد ويسوي تحاليل تخثر الدم لانه طلع مهم مرا لان وقت يصير تخثر بالدم معناته تخثر بالحبل السري الي يوصل الغذاء والاكسجين للجنين وبس ينقطع تجي ولادات مبكرة 😩ادعولي الله ييسر لي امري نسيت اقولكم كان مفروض اسوي ربط عنق الرحم لان بحملي الثاني الي قبل هذا كان فيه قصر ولكن بحملي هذا طلعت المشيمه نازلة على عنق الرحم وماقدرت اسويها لان لاسمح الله ممكن تسبب نزيف والحين بس منسدحة ورافعه رجولي ظهري حرفياً ماعاد احس فيه 😫