السلام عليكم بنات حابه اكتب لكم تجربتي مع الحقن المجهري يمكن تفيد ناس حابه تقدم على هذي الخطوة بإذن الله .. بدايةً: انا متزوجة من سنتين تقريبًا طبعًا بالنسبة للبعض رح يقول كثير بدري عشان تتجهي للحقن المجهري انا خلال السنة و الشهرين قبل ما اقدم على الحقن كنت احاول بانتظام مع متابعة التبويض استخدام منشطات و غيره مع ان وضعي كان كويس ما عندي مشاكل لكن زوجي كان متزوج قبل ياخذني لمدة ١٥ سنة بدون انجاب حتى مع محاولات الحقن المجهري لكن لله حكمه انها ما نجحت معهم انا قررت انو كفاية ما بقى من العمر قد اللي راح اصحاب زوجي اولادهم بطولهم وهو يتمنى كلمة بابا وقتها استخرت وقررنا نسوي حقن مجهري طبعًا كانت الحيرة بين الاردن ومصر و كلهم احسن من بعض لكن سبحان الله الاستخارة سخرت لي مصر وانفتحت الابواب وتيسرت الامور اللي كانت متعسرة بتوكل على الله. المهم: سويت الحقن بمركز رحم بالقاهرة الجديدة عند د. إيمان الجندي و تقدروا تبحثوا عنها وتشوفوا ابحاثها بالبداية نحنا جينا للدكتورة قلنا نبي حقن على طول ما نبي نجرب شي هي رفضت قالت لازم اشوف بالبداية ايش المشكلة يمكن تنحل بطريقة ابسط لما وصلنا عند الدكتورة سوت لنا جميع التحاليل اللازمة لي و لزوجي و طبعًا تحليل الزوج لازم معمل ذكورة عشان يكون شامل كل شي مو معمل عادي والسلام التشخيص اللي توصلت له الدكتورة انو ما ينفع معنا الا حقن مجهري حتى اطفال انابيب العادي ما ينفع لان الحيوانات المنوية اللي عندي زوجي ما تمشي للامام تدور حول نفسها فقط والعدد اصلاً قليل و نسبة التشوه عالية. قلنا تمام نحنا مجهزين نفسنا لهذي الخطوة بدأنا بالتنشيط لي بجرعة عالية وبنفس الوقت زوجي كان ياخذ مكملات من عندهم عشان تتحسن الحيوانات قدر الامكان خطوة التنشيط صعبة مليان مشاعر وفترة حساسة لما وصلنا ليوم سحب البويضات المنتظر والحمدلله عشان التنشيط عالي و جيد طلع عدد كويس من البويضات الناضجة واهم شي البويضة تكون جيدة اهم من الكمية طبعًا سحب البويضات تم تحت تخدير شامل لكن كان خفيف و فقت منه بسرعة ووقتها حسيت بطني كثير منفوخ ما عانيت الحمدلله من اي مضاعفات ما عدا تنفخ المبايض اللي كان بسبب التنشيط وهم قبل اسويه عطوني هذا الاحتمال لان المخزون عندي كويس و قريب للتكيس يعني كانوا متوقعين قالو ننتظر ٥ ايام والحمدلله بقى في عدد اجنة مناسب للنقل لكن مبايضي المنتفخة ما كانت تناسب انو يصير حمل لان احتمال انو يزيد حجمها و اني اتذى كبير قررنا قرار جماعي انو نجمد جميع الاجنة ونأجل النقل للأشهر اللي بعدها طبعًا هذا الكلام باكتوبر رجعت وانا محبطة بس الحمدلله كانت خيره على كل حال. عطوني مانع حمل عشان يخفف حجم المبايض وترجع لطبيعتها طبعًا غير الاكياس الدموية و جلسنا ٤ شهور من نوفمبر لفبراير و نحنا نحاول نحضر الرحم وكان حجم بطانة الرحم قليل و ما يساعد على النقل اخر دورة كانت ٢٧ يناير وقتها بدينا نحضر الرحم مع استخدام منشط فيمارا عشان رحمي كان يحتاج بويضة عشان يزيد سماكة بطانة الرحم طبعًا الاول كان التحضيرات هرمونية فقط بدون خروج اي بويضات لكن سبحان الله الطريقة هذي ما زبطت معي وكان جسمي يعرف انهم يحاولون يخدعونه 😂😂 الحمدلله طلعت بويضة وحده و حجمها جيد ومنشط الفيمارا قوي ما شاء الله صار وقت التبويض عندي اقرب من المعتاد صار يوم ١٤ وانا بالعادة يكون ١٨ و اخذت الابرة التفجيرية وسويت تحاليل الهرمونات و انطلقت لمصر عشان ارجع اجنتي 😍 طبعًا التحضيرات كانت كلها وانا بالسعودية و اتواصل معهم على الجوال و يعطوني التعليمات و الادوية وانا معاهم خطوة بخطوة. لما وصلنا هناك سوو سونار قالو تمام تعالي بعد ٥ ايام عشان نرجع الاجنة واعطوني ابر تثبيت عشان تساعد بطانة الرحم خلال ال ٥ ايام بعد التبويض طبعًا لانهم اجنة يوم خامس لو اجنة يوم ثالث كان رحت ٣ ايام بعد التبويض كان وقتها ١٤ فبراير (يوم الحب) 😂😂 فعلاً يوم الحب اللي انتقلوا فيه اجنتي لداخل رحمي رجعوا لي جننين بحكم عمري ٢٩ ووضعي الصحي جيد قالو يكفي اثنين و بعد اسبوعين من الان يعني تاريخ ٢٨ فبراير تسوين تحليل حمل هرموني بالدم طبعًا يكون وقتها فايت موعد دورتي لكن هم يعطوني مثبتات يعني ما رح اعرف اذا حامل او لا و كل ٣ ايام يعطوني نص جرعة ابرة تفجير عشان فيها هرمون الحمل و تساعد اكثر بثبات الاجنة يعني حتى تحليل البول ما ادري هو من الابرة ولا حمل 😭 اطول اسبوعين بحياتي بصراحة لكن بعد ٧ ايام من الترجيع حسيت بمغص دورة قوي اللي هو يكون قبل يومين من موعد الدورة و كانها بتنزل كان قوي و يلف على ظهري و نزل مني العفو افرازات بنية ووردية قلت بس خلاص بتنزل وتضايقت بيوم المتوقع لنزول الدورة كمان نزلت علي افرازات وردية مع مغص بالبطن والم بالظهر خلص وقتها بكيت كثير قلت شكل بتنزل لكن المثبتات تمنعها ما كنت ادري انو هذا دم الانغراس و بيوم ٢٨ رحت للمختبر وانا ارجف سويت تحليل و قالو بعد ساعتين ما يحتاج اقول انها اطول ساعتين بحياتي وقتها وطلع التحليل الحمدلله نسبة الهرمون ممتازة و بعد ١٠ ايام سويت سونار و لقيته كيس واحد اللي ثبت الحمدلله دائماً وابدًا والحين انا بالشهر الرابع ادعوا لي ربي يتمم لي حملي على خير 🤍🤰🏻