قرئت كتير قصص ولادات هون و كل ما اشوف موضوع قصة ولادة كنت اقرئها بس حتى اوصل لمقطع الاكشن (الولادة)😅 بدي اكتب قصة ولادتي للذكرة و كمان للحوامل المقبلين على الولادة (بعتذر عن أي أخطاء املائية و عن طول القصة بس صار كتير اكشن و مجبورة اكتب 😛) المهم لمحة سريعة عني حملي كان بشع و ممل وطلع عندي سكري حمل من اول الشهر الثالث و بعدا باسبوعين بلشت انسولين ليلي و من بعدها انسولين نهاري و كول فترة حملي الماي زايدة و الطفل بالعرض او مقعدي 😑😑 الى ان صرت بالاسبوع ٣٦ كان طفلي مقعدي و حجزت موعد على الاسبوع ٣٧ حتى اسوي عملية تدوير راس الطفل، حتى اقدر اولد ولادة طبيعية، ورحت بالاسبوع ٣٧ و الحمد لله طلع الطفل شبه نازل يعني راسو ماكان بالحوض بس قريب و هية عم تسوي سونار الطفل عدل وضعيته و صار راسه جوا. و حجزولي موعد ولاد بالاسبوع ٣٨ بسبب سكري الحمل وضعية الطفل الغير مستقرة بالاسبوع ٣٨ بالضبط رحت للمستشفى الصبح الساعة ٧:٣٠ حتى يحطولي جيل، قبل الجيل كانت الممرضة عم تشوف وضعية الطفل من عبر البطن و شكت انه راسه مو بالحوض و جابو السونار و كان راسه قريب من الحوض و الدكتور دفشت راسه شوي و صار فوق الحوض و قالو خلاص يلا حطي الجيل حطتلي الجيل و انا من بعدها طلعت امشي و استخدمت الدرج و غيره و ما بدئت عندي اي اعراض ولادة، المهم على الساعة ١٢ ايجت دكتورة تانية و قالت عم نعمل دراسة الخ بتحبي نعملك سونار و انا قلت اكيد ليش لا و لما حطت السونار، انا وهية كنا عم نراقب حتى نشوف الراس و ما شفناه الا لما حطت السونار على بطني من فوق و انا هون نزلت دموعي و بلشت ابكي لانو الطفل كان مقعدي و هية مباشرة طلبت مني اهدء و راحت تخبر الممرضة و الدكتورة التانية حتى يجو و يشوفو، ايجو و شافو و قالو ارتاح و على الساعة ٣ راح ينزلوني غرفة الولادة و يحاولو يدورو راس الطفل و يفتحو ماي الراس حتى تبداء الولادة و فعلا على الساعة ٣ نزلت غرفة العمليات و جابوي السونار و حطو على بطني و هوب طلع الطفل راسه تحت بس مو بالحوض قريب عن الحوض و انا كتير فرحت الى ان قالتلي في مشكلة 🥲 طلع الحبل السري جنب الراس و لانو عندي ماي كتير ممكن الحبل السري يطلع قبل الطفل و هون بصير بحالة خطرة.. و كانت عم تعطيني خيارات و قالت لي اذا بدك منفتح ماي الراس و ايدها بضل جوا حتى ينزل الماي و الراس ينزل قبل الحبل و ممكن تنجح و ممكن تفشل، أو بتقبلي بالعملية و منعطيكي بنج نصفي و الطاقم بيعرف على نفسو حتى يساعدوكي و متخافي، لانو في حال فشلنا راح تشوفي الغرفة مليئ بالناس و راح تخافي و راح يعملولك تنويم كامل و ماتشوفي الولادة و تعتبر الك ولادة مخيفة.. انا هون بدون حتى بدون تفكير قلت بدي احاول طبيعي و اذا مكتوبلي قيصرية خليها تكون و انا نايمة احسن ما اضل عم ابكي من القهر و التفكير و الوجع المهم عطوني الغاز و دكتورتين و اقفات للمراقبة و اتصلو على غرفة العمليات حتى الكل يكون على استعداد و فعلا الدكتورة الله يخليها حاولت جهدها حتى تفتح ماي الراس و خلت ايدها حتى تنزل قدر كبير بالماي و راس الطفل ينزل و الحمد لله نجحت العملية و نزل راس الطفل، طبعا كانت كتير موجعه و انا تحت تاثير الغاز كنت موجوعة و عم اضحك بدون وعي بعد ما فتحو ماي الراس خلولي الطلق الصناعي و بعدها بي ١٠ دقايق كان دكتور ابرة الظهر جاهز حتى يعطيني ابرة الظهر، اخذتها و الحمد لله مع انها خدرت الطرف اليمين و ضليت احس بالطرف اليسار بس كان وجع محتمل خصوصا لما اشم وردة و اطفي شمعة، الى ان ايجت ممرضة تانية و رفعت التخت و جسمي كله تخدر 😚 و طفلي وصل على الدنيا باليل الساعة ١١ بخير و سلامة و الحمد لله و ربي يتمم على الجميع و يرزق المنتظرين.