قمت الساعة ٣ الفجر عادي ابي اروح الحمام الله يكرمكم وبعد ما طلعت احس شي ينزل مني استغربت على بالي بول الله يعزكم وكل شوي يزيد هنا عرفت أنها موية الرأس قومت زوجي من النوم ورحنا المستشفى وبعد الكشف قالت ٢ سانتي بس كان الوقت تقريبا على الساعة ٣ ونص وكان الطلق جدا بارد لاطلق ولا الم قعدت كذا للساعة تقريبا ٨ بدأ الطلق شوي شوي يزيد وطبعا انا كنت مخططة اني اسوي ابرة الظهر وطلبناها منهم وفحصتني وقالت ٤ سانتي قلت طيب اعطوني ابرة ظهر ما احكي لكم قد ايش تاخرت علي دكتورة التخدير والالم يزيد ويزيد وجاوا الممرضات يجهزوني عشان الابره بغرفة التخدير هنا بديت جد جد أتألم وابكي وتاخرت الدكتورة الله يسامحها ماجت الا وانا تعبانة من الالم المهم كل ماجت تبي تعطيني الابرة اقولها انتظري لما تخلص الطلقة عشان ما اتحرك غصبا عني مرت تقريبا طلقتين والحمد لله بعدها سويتها والالم مازال مستمر مفعول الابره لسا ما جاء طبعا ابكي وأتألم ولما جت الدكتورة فحصتني قالت لي ٧ مفتوح يعني اخذت الابرة تقريبا لما كان فاتح ٦ الله يسامحهم تعذبت شوي ليتهم اعطوني ياها بدري وحان وقت الولادة طبعا الالم راح تدريجيا وقلت للدكتورة ما ابي شق للعجان قالت حاضر وحزيد الجل عشان يطلع البيبي بسرعة وبدأ تأخذ جل الي يحطونه على اصابعهم وقت الكشف وتحطه على المنطقة و وقت خروج الرأس تقول لي يلا ادفعي واكتمي على فمك وادفع والممرضة الله يسعدها قاعدة تدف وتضغط بطني لتحت عشان ينزل البيبي واللهم لك الحمد ما طولت الدكتورة تساعدني من تحت والممرضة من فوق غير تشجيعهم الله يسعدهم طبعا أنا مو حاسة بألم لله الحمد بس احس بضغط شديد من تحت وانتهت رحلة وهن على وهن على خيرررر وعقبال كل حامل تفرح بشوفت طفلها يا رب 🙏 💜💜🎉💓