ومثل ماوعدتكم راح اذكر قصة ولادتي وتجربتي لمستشفى المواساه الدمام اكنت خااايفه ومحتاره واسمع سب كثيير لمستشفى المواساه حسيت نفسي والله رايحه مجزره بس بحكم اني مراجعاتي طول فترة حملي كانت فيه ومعرف وماجربت مستشفى غيره كنت مرتاحه له بس كمان الكلام السلبي عنه كان مخوفني شوي بالاخير قررت استخير واذا كان هذا المستشفى شر لي الله يصرفه عني وربي يكتب لي مافيه الخير . يوم ولااااادتي 31/5/2021 الساعه ٩ فالليل طلعت امشي بالممشى مشيت نص ساعه بعدها رجعت بيتي شقتي كانت بالدور الثالث وانا راجعه ماطلعت بالمصعد قلت بطلع الدرج 😅 رجعت البيت تعشيت ورحت سريري بنام بس انسدحت بديت احس بمويه تنزل وبس وقفت انكبت مويه الجنين انا حتى وهي ثاني ولاده قمت ابكككي من الخوووف عرفت انو خلاص جت اللحظه الحاسمه 😂😂💔 ولادتي الاولى نفس الشي تنزل مويه الجنين فجأه وبدون اي مقدمات ولا ألم 1/6/2021 طلعنا للمستشفى سألني زوجي واحنا بالسياره وين تبغين اوديك تبغين المواساه او مستشفى حكومي او اي مستشفى قلت له وبدون تردد المواساه احس اني مرتاحه له وابغى اولد فيه الساعه ١ الليل دخلت طوارىء مستشفى المواساه ع طول استقبلوني ودخلوني غرفة للكشف واستدعوا الطبيبه من قسم الولاده وجتني خلال ١٠ دقايق تقريبا كشفت كان الرحم فانح 2 سانتي قالت خلاص بنطلع التنويم انتي عندك ولاده خلال 12 ساعه ان شاءالله خلص الاجراءات زوجي وطلعت التنويم زوجي وبنتي كانوا معي وكنت بغرفة خاصه ( التنويم وغرفة الولاده في نفس الدور ) نظافه وتعامل الممرضات وحتى الدكتوره كان جدا حلو الحمدلله جتني الدكتوره الساعه ٦ حصلت الرحم ٣ سانتي قالت خلاص نروح غرفة الولاده عشان نركب الجهاز ونراقب نبض البيبي ورحت قسم الولاده والدكتوره جلست تجيني كل كم ساعه وانا اقولها مافي طلق صناعي قالت لاااا انتي وضعك تمام والرحم جالس يتوسع وراح تولدي خلال كم ساعه ان شاءالله بس حسااافه جت الساعه ٧ وانتهى دوام الدكتوره كان اسمها حنين راحت وجت دكتوره ثانيه اسمها نهى هي كويسه واضح وشاطره بس عصبيه بسررعه تعصب بس انا حاولت اكون هاديه معها والحمدلله مشت الامور لما وصل الرحم ٤ سانتي زااد الالم مرره طلبت ابره الضهر واخذتها الحمدلله خففت الالم بنسبة ٨٠ % تقريبا نمت كم ساعه و ع الساعه ١١ صحيت ع ألم قووي مره جت الممرضه شافت قالت كووويس ٨ سانتي كانت متحمسه اكثر مني 😂 شوي ومرره زاد الالم جت مره ثانيه شافت قالت ١٠ سانتي خلاص ولاده بدوا يجهزون الممرضات كانوا ثنتين فلبينيات عسووولات وجت الدكتوره برغم اني تعبتها وطووولت بمرحلة الدفع لكن كانت صبوره الحمدلله وانا اولد جت ممرضه هنديه جلست تمسح ع راسي وتشجعني هيا هيا بيبي طلع خلاص 🥺❤️❤️ 1/6/2021 الساعه 12:39 الضهر نور الدنيا بيبي ( جسار ) اسأل الله ان يجعله قرة عين لي ولوالده ويجعله من عباده الصالحين ولدت طبيعي بدون اي تدخل جراحي بس رأس البيبي وهو طالع سبب لي تمزق وسوتلي خياطه الدكتوره ٥ غرز ولادتي الاولى مررره تعبت من الخياطه وكنت اتمنى هالولاده بدون خياطه لكن قدر الله وماشاء فعل 🥺 الحين ١٨ يوم ومازالت الخيوط موجووده وتعببت حييل منهم لكن ربي يكتب اجري واجر كل الامهات ( ادعولي )💓 ( المواساه كانت تجربتي معهم جداا جميله الحمدلله تيسير من ربي ودايم ادعوا ربي يسخر لكم عباده والي محتاره تستخييير والخيره فيما اختاره الله )