الله يبارك فيكم يا رب بنات ويقومكن بخير و سلامة ل الي لسا ما ولدو. الحمد لله خلصت رحلة وهن على وهن. واسفة ع التأخير ل احكيلكن شوصار معي ☹️♥️ من اول شهري وانا اعمل كتبر شغلات لعل وعسى اولد ب نصه. كنت امشي كتيررر من اول شهري. واكل أناناس وكيوي هالفواكه الاستوائية ممتازة ل تليين عنق الرحم وكنت اكل تمر كتير. وحمامات سخنة. وكل مره روح ع مراجعتي يكون الرحم مسكر تماما واتشائم انو لسا مطولة. بيوم الأربعاء بعد ما خلصت شهري ب تالت يوم. وكنت مقررة بقبل بيوم انو خلص شيل فكرة الولادة من بالي ومافكر فيها. ب تاني يوم نضفت البيت ونفسي🤣وقررت خلص اروق واتعايش مع وضع الحمل كمان اسبوع. بيبلش معي مغص دورة من الظهر وقول خلص مو طلق هاد مابدي اقنع حالي انها ولادة. المغرب بيبدأ يشتد الوجع بس مو منتظم. كمان لسا مصرة انه مو طلق. يجي كل ربع ساعة كان أو كل ١٢ دقيقة. صليت وتحممت بمي سخنة بيبدأ الوجع والشد يزيد لكن مو منتظم. بطلع بشتري علبة تمر وع الممشى منشان امشي. مشيت خطوات متباعدة وسريعة واكل تمر. (وقت المشي بيزيد الطلق ووقت اقعد بيروح) وزوجي يقلي خليني اخدك ع المشفى قلتلو لسا مو منتظم لبكرا لحتى اولد . منرجع ع البيت بساوي كوب قرفة وبشربو وبمشي بالبيت لكن لسا الطلق متباعد مو منتظم. بعدين بجي، لحتا نام فجأة بيصير الطلق نار ورا بعضه كل ٣ دقايق ومو محتمل بنوب. بفيق زوجي ومنطلع ع المشفى والطلق كل ٣ دقايق. بيفصحوني فاتح ٧ وفورا بيحولوني ع غرفة الولاده. فتت ع المشفى الساعة ٢ ولدت ٢:١٨ دقيقة. والحمد لله كانت ميسرة مع الدعاء والاخد ب الأسباب. ع قبالكن بولادة ميسرة وسريعة♥️☹️اي بنات والحمد لله من فضل رب العالمين ما احتجت يشقوني ولا خياط. الدكتورة ساعدتني كتير وحتى البيبي ما جرحني بس، طلع. التمر والاناناس والمشي كلهن بيساعدو ع تليين عنق الرحم والمشي رياضة للحوض وعضلاته منشان وقت الولادة تكون قوية ومرنة. والحمد لله على تياسيره💙💙😢