الحمدلله على عطاه ورضاه
يوم الجمعة ب١٢ الشهر عند الساعة ٨ او ٩ المسا رحت على الحمام وشفت افرازات بنية وحطيت فوطة صحية وصبرت اشوف اذا رح يصير طلق او لا باليل صار طلق خفيف ومنتظم قمت امشي شان يقوة انا صرت امشي اختفا ماعاد فيني شي صار الصبح يوم السبت قمت لميت ونضفت البيت وبعدين تمشيت ورجعت على البيت حكيت معكم وكنت متكسرة بس مافي طلق بس افرازات وصارت كتيرة استخدمت وقتا تلات فوط صحية وقلت لحالي بدي اروح على المشفى اذا رجعوني مارح اخسر شي والله دقيت لزوجي واجا اخدني ورحنا
وصلنا ٦ ونص دخلت مباشر فحص مهبلي عملولي كان فاتح ٤ سم وحطوني على جهاز النبض شان يراقبو الطلق كان مافي طلق بس شافو مافي حركة عند الجنين وعلقولي سيروم شان يتحرك وبعدين اجا الدكتور فحصني على الايكو وقلي كلشي كويس مافي شي روحي على البيت واذا حسيتي بالم او مي الراس نزلت تعالي ورجعت على البيت عند الساعة ٨ وانا رجعت بلش طلق خفيف ومامنتظم بعدين صار يقوة وصار كل ٣ دقايق استحملت لل١٢ وقلتلو لزوجي بعدين خدني على المشفى
يتبع🤕
العضوة: 459906 , 5 years ago
امين يارب العالمين الله يسلمك روحي ويبارك فيكيالعضوة: 937305 , 5 years ago
الحمد لله على سلامتكم وربي يجعله من الباريين الصالحين ويتمم نفاسك على خير كله أجر وعافيه نصيبك والحمد لله شوفة ابنك بصحه وسلامة بتنسيكي كل الوجع انت سوريه صحالعضوة: 459906 , 5 years ago
الله يسلمك روحي ويحميلك حبابك يارب اي والله الف الحمدلله انو هو بخير والله يحميلي ياه اي انا من سورياالعضوة: 927343 , 5 years ago
@user-459906 بس معروف أنو ممنوع يعملو حمام للطفل اول ما ينولد ، يا اختي اشكري ربك عالنعمه ، انتي ولدتي وفي دكاتره ومستشفى، ومستوره الحمد لله، في ناس ما يلاقو حتى دكتور يولدهن.العضوة: 459906 , 5 years ago
الحمدلله على كل حال ودائما وابداالعضوة: 937305 , 5 years ago
الحمد لله كلشي بهون وحسبي الله ونعم الوكيل باللي هجركن من بلادكن يارب هالحال ما يطول ونرجع نشوف سوريا كما كانت وافضل مما كانت جنة الله عالارضالعضوة: 927343 , 5 years ago
الحمد لله عالسلامه انتي والطفل ، الله يحميكونالعضوة: 459906 , 5 years ago
ان شاء الله يارب الله يفرجها على الجميعالعضوة: 459906 , 5 years ago
الله يسلمك روحيالعضوة: 934576 , 5 years ago
الحمد لله على سلامتك وسلامة ابنك الله يجعلوا من حفظة القرءان يتربى في عزكم ودلالاكمالعضوة: 459906 , 5 years ago
امين يارب العالمين الله يسلمك 💕💕العضوة: 763746 , 5 years ago
الحمدلله عسلامتك وسلامة البيبي يخربيتن ع هلمعاملة لعما مافي بقلبن رحمة كتير سمعت قصص عن معاملة الاتراك ابدا مو منيحة الله يفرجينا فين يوم هنن وكل مين ظلم وعزب مغتربالعضوة: 863104 , 5 years ago
@user-459906 متل ابني تمام كمان كان ختنق جواتي وبعد ما طلع قال تعبان حطولي ياه بلحضانه لمدة ساعتينالعضوة: 763090 , 5 years ago
الحمدلله على سلامتك ،، خفت كثيرررر وانا حامل في الثاني الله يسهل🥺💔العضوة: 863104 , 5 years ago
@user-763746 لا والله منيحه انا منطرفي لبتكون معهم منيحه بكون مناح اكتر منها بس يلي بترفس وبتعذبهم اكيد بعذبوها