العضوة: 459906 , 5 years ago

وصلنا المشفى الساعة وحده كمان عملولي فحص وطلع فاتح ٧ سم وحطوني شان يشوفو الطلق كمان قالولي انو انتي ولادة اخدوني على الغرفة شلحت تيابي ونمت على التخت وحطولي جهاز الطلق وقالولي بس تحسي بالم قوي كبسي وانا اعمل الي يحكولي ياه واكبس بكل قوتي وما احسن نزلت مية الراس والجنين بدو شوي بنزل صار يرجع يطلع لانو ماعم اكبس ع السوا ولما شافو هيك اجو الممرضات وكبسو على بطني شان ينزل ويساعدوني قصتني بلشو كبس وانا اتوجعت ماعاد اكبس لانو هنن كبسو على نفسي وصرت استغرف وجعوني كتير بس الحمدلله لما نزل ماعاد حسيت بشي ماحسيت غير هو على بطني وانا امسكو شافو بكي بس بصعوبة شالو وركضو فيو على الحضنة حطولو اكسجين وانا بعدين اجت تنضفني وتخيطني بلشت الخياط تقريبا بدا تخلص قام صاحو للدكتورة قالولا انو محل ماعم نشك الابرة عم بنزف دم وهي لسا عم تنزف هون صار معي تموع دم ورتفع ضغطي وهنن خافو يكون صار معي تمزق جابو شغلات رجعو فتحو فيها المهبل وسعو وبلشو ينضفو من الرحم ويكبسو على بطني شان ينزل الدم وهو انا بلشت ولاده التاني عندي ابشع من الم الطلق والم القص والولادة كان الم الخياط والتنضيف كنت بس بدي يخلصو وطولو وحطولي سيروم وضربوني ابر وبعدين لما خلصو رجعت تكمل خياط وهي تحط الابرة وتسحب الخيط انا اشهق احس روحي تطلع وترجع وبدي بس تخلص وماعد تخلص مابعرف اشقد خيطتني بس اشوف خيطان وهي تشيلن وانا اقول خلصت وهي تمسك خيط جديد وانا اموت 😭😭😭

العضوة: 459906 , 5 years ago

بعد ماخلصت وانا مابعرف ادى الساعة مابعرف اذا زوجي خبر انو ولدت مابعرف شو عم يصير ابدا ومادخلو شي معي حتى شنتاية الولاده مادخلوها تركوها مع زوجي واذا بدن شي يروحو يجيبو ويجو سالتن على ابني قالولي حطينالو أكسجين بقي يمكن ساعتين وهو بلا لبس ولا نضفو بالحاضنة بعدين جابو ارضعو تركو نص ساعة رضعتو ورجعو اخدو كمان شغلة ساعة ورجعو عطوني ياه لبسو بالغرفة الي انا فيها بس مامسحو ولا حممو عطوني ياه عليه الدم يابس سالتن على الساعة قالولي الساعة ٥ وهو كانو كل ساعة يجو يعملو اطلالة ويشوفو النزيف ويحطو قطنة ويمسحو من جوا يطالعوها كلا حمرة عم تشرشر دم المهم جابولي ابني انا طلعت عليه لفيتو وارضعو وبدي حفوضة اغيرلو حفوضتو صحت للخادمة راحت جابتلي حفوضة من عند زوجي ومحام واجت غيرتلو وبقينا انا وهو بالغرفة لحالنا للساعة ٧ الصبح اجو قالولي لبسي تيابك وفوتي على التواليت شان نطالعك لفوق ع غرفة النوم وانا طرت فرحة رحت ركض البس وبركت على الكرسي واخدوني ولما فتح الباب شفت زوجي برى عم يستنا هو وسلفتي وماصدقت انو طلعت من غرفة التعذيب والحمدلله خلصت وابني هلا بخير وهو معي ونحنا هلا بالبيت والحمدلله على كل حال

العضوة: 807175 , 5 years ago

الله ينتقم منهم هدول شوووو هنن شو دينن شوووو معجونين بشوو ماعندن رحمه يخرب ديارن انتي من ايا بلد وين صار معك هيك

العضوة: 807175 , 5 years ago

الحمد لله على سلامتك وسلامة طفلك لكن هيك مشفى لازم تشتكي عليهن شو هدول مابخافو الله ماضل رحمة بقلوب البشر

العضوة: 563046 , 5 years ago

الله لايوفقن مافي بقلبن رحمه ولا رأفة لمهم انتي وابنك بخير الحمدلله عسلامتكون

العضوة: 863104 , 5 years ago

الحمدلله عسلامتكون حب يالله الحمدلله خلصتي بخير وسلامه واللع فرحتلك من كل قلبي قصتك بتشبه قصتي كتير بس انا رحت ما شفت دم بني بس وجع من الساعه ٨ المسا لساعه ٨ الصبح رحت علمشفى الرحم فاتح بس ٣ سانتي والبيبي عم يدفش حالو بدو يطلع قامت الممرضه توسعلي بايديها شفت الموت والله

العضوة: 894895 , 5 years ago

😭😭😭💔الحمدلله ع سلامتك وسلامة البيبي بكيت يااااارب يشفيكي وتنسي ذا التعب ليش كذا وين انتي عايشه عذااااب

العضوة: 459906 , 5 years ago

انا بتركيا

العضوة: 459906 , 5 years ago

@user-807175 الله يسلمك روحي هو سبحان الله مو بس معي هيك حتى في وحده تركية نامت معي بالغرفة كمان عملين فيها هيك

العضوة: 459906 , 5 years ago

الله يسلمك روحي

العضوة: 459906 , 5 years ago

@user-863104 الله يسلمك روحي اي والله مافي شي سهل وهوين بس الحمدلله على كل حال

العضوة: 459906 , 5 years ago

الله يسلمك روحي الحمدلله على كل حال

العضوة: 863104 , 5 years ago

@user-459906 يا عمري بس انتي عرفتي ليش عملو هيك معك انا لانو البيبي بدو يطلع والرحم مسكر عملو معي هيك ليساعدوني والله كانو مناح معي وتحملوني

العضوة: 892260 , 5 years ago

الف الحمدلله على سلامتك ومبروك ماجاك يتربى بعزك ودلالك الله يكتب اجرك ع هذا التعب ويحاسبهم ع وضعك هذا

العضوة: 459906 , 5 years ago

انا عملو هيك لانو ماعم ساعدن بالكبس اجو صارو يضغطو على بطني شان ينزل ولانو كمان انا ابني كان اختنق جواتي