السلام عليكم شلونكم بناات اتمنى انكم بخير
بنات انا الحمدلله عندي ٣ صبيان وبنت وحامل الحين الحمدلله
ماكنت ابي احمل بس حملت ابي اجيب اخت لبنتي كاسره خاطري بين الصبيان ..
وطلع الي في بطني ولد الحمدلله على كل حال
المشكله اني ماقدر احمل بعد صار الموضوع خطر فيه على حياتي
يعني حتى لو فكرت احاول اجيب اخت لها بعد سنين ماقدر
مو معترضه على قدر ربي الحمدلله
بس بنات منو مرت بهالشي انه ماعندها خوات وبس اخوان او بنتها لامتها ليش ماجبتو لها اخت ؟؟
والله العظيم معوره قلبي مادري شسوي
العضوة: 2071948 , منذ ساعتين
كلها أقدار مكتوبة عند الله ما حد يدري ايش يصير في المستقبل يمكن تقدري بعدين تجيبي لها أخت وان شاءالله اخوانها يكونوا سند ليها ولكم ياربالعضوة: 1222536 , منذ ساعتين
احس عادي والله انتي تكفينها وأخوانها وبتصير دلعوتدكم كلكم اهم شي صحتك وان شاء الله تشيلين عيالهم بصحه وعافيه في المستقبلالعضوة: 151727 , منذ ساعتين
عادي لو ضلت وحيدة هذا الي ربي أعطاكم إياه المهم انتي بخير وابوهم وتربيهم وتشوفيهم شباب وأحلا عروس أنا عشت وحيدة بين صبيان طبيعي الموضوع بوكرا تتزوج وتخلف وتجيب بنات يصيرو زي خواتها وأنتي أمها كوني له الأم والأخت والصديقةالعضوة: 2065969 , منذ ساعتين
صديقتي البنت الوحيدة من بين اخوانها ولما تزوجت جابنت بنتين ورا بعض ما شاء الله صج كانت تتمنى يكون عندها اخت بس مثل ماقالوا هذا الي الله كاتبه لكن شافت الاخت والصديقة بأمها مو كل وحدة يصير عندها خوات تكون مرتاحة ، بنتك واهي صغيرة طبيعي تتمنى يصير عنها أخت لكن بمكن لما تكبر وتفهم بالحياة تكون مرتاحة كذا لاتشيلي همها وعيشي امومتك وربيها تربية صالحة على طالعة الله والله يجعلها قرّة عين لكم هي واخوانها ♥️