3 years ago
  • المرحلة الثالثة (الأشهر 9,8,7)
يسعد أيامكم بنات ♥️ اش رايكم بفكرة الاستقبال اللي هو تخصيص يوم واحد فقط للزوار هل تشوفونه عيب أو عادي ؟ و هل التوزيعات والهدايا والتزيين مهم لاستقبالكم ؟ خلونا نتشارك الآراء ..

16 تعليقات

العضوة: 1390766 , 3 years ago

بالنسبه لي مااحب احدد يوم واحد للاستقبال لأن كل شخص وظروفه متى يقدر يجي ويقوم معي بالواجب غير كذا احس جو النفاس حلو يكون عندها ناس خصوصا الاقارب.. وايضا انا مجلسي صغير مايستوعب اكثر من ٨ اشخاص فصعب اسوي استقبال كبير ومايكفي المكان عشان كذا خليت المجال ٤٠ يوم اللي حاب يجي باي وقت حياة الله. بالنسبة للتوزيعات والحركات انا حابتها وجهزت من الحين استقبال بنتي ان شاء الله تجي بالسلامة يمكن عشان اول مره اسوي فحابة اسوي شي مميز يمكن بحملاتي الثانيه تتغير قناعاتي واسوي بس استقبال بدون توزيعات يمكن مدري بس احس شي حلو ويبقى بالذاكرة بس اكيد بدون تكلف وتضغطين نفسك💖

العضوة: 1587164 , 3 years ago

شوفي فكره تحديد يوم انا مره ما عجبتني اشوفها عيب صراحه الواحد مايدري عن ظروف غيره متى يكون مشغول ومتى يكون متفرغ ،انا مرررره عن نفسي احب كل يوم يجوني ضيوف مره انبسط بالناس واغير جو بالسوالف والضحك يخففون عني ويحسسوني ان الحياه حلوه وبسيطه 🥹💖،وبالنسبه للتوزيعات اشوفها كماليات للي عنده استطاعه يعني ماهي ضروريه،انا ببكري جبت وتكلفت مرره من والى بس الحين متردده شوي افكر اجيب مدخل استقبال فخم وضيافه فخمه شوكلت وموالح وخلاص بدون توزيعات وش رايكم 🥹!!

العضوة: 432677 , 3 years ago

بالنسبه لتحديد يوم بالنسبه لي ما حبيته صراحه اصل الناس نادر يجو بس الاقارب بعد احدد لهم يوم🌝 خليهم يجو من وقت لوقت الناس يغيرون جوي واستانس معاهم بالنسبه للتوزيعات حملي الاول والثاني سويت توزيعات وتكلفت مررره بس المره ذي قلت بجيب ضيافه فخمه وحلوه وبس طبعا بتنسيق مرتب للغرفه وانتهى🌝

العضوة: 767739 , 3 years ago

لا الصراحه ماحبيت تحديد يوم هم اذا جوك من محبه ف خليهم براحتهم الصراحه احس التوزيعات مالها داعي اما مثلا شوكلت شي حلو

العضوة: 1652944 , 3 years ago

حلو تحددي اسبوع او اسبوعين حسب ظروفك والتوزيعات انا اسوي شي بسيط مثل خاتم تسبيح او تولة مسك يكونو ف كرت مرتب

العضوة: 1641344 , 3 years ago

@user-1534277 لا عيب مايصيررر شو يقولو الناس

العضوة: 1634730 , 3 years ago

@user-1587164 نفس فكرتي بصراحه انا هذا حملي الثالث قلت حجيب ضيافه فخمه تكفي

العضوة: 1558275 , 3 years ago

اسمعي هلا بفتره ولادتك الا ما يجي عندك حدا وبهاي الفتره وزعي وبس تشوفي حالك سرتي منيحه بتحكي للناس الي ما اجوكي يتفضلو ع هاد اليوم الي انتي حاسه حالك تمام انا هيك عملت بالسلامه ي رب 🩵

العضوة: 1534277 , 3 years ago

@user-1390766 صح انا سويت كذا بولادتي الأولى ما حددنا احس مره احراج بس اختي سوتها كعقيقه يعني كأنهم معازيم و جو بيوم واحد ووقتها توها كورونا انتهت فبعدها ماحد جاء مره و فيه ناس اعتذروا اصلاً 🫣 لما شفت ان الفكره صعبه ومتعبه صحيح يوم واحد بس كلنا تعبنا واختي تعبت لانهم طولوا بحكم انه كان عشاء الحين قلت لماما انا بخلي الناس براحتهم وانا براحتي متى ما جو كل شيء جاهز الضيافه وكل شيء

العضوة: 1534277 , 3 years ago

@user-1587164 نفس فكرتك صعبه وغير كذا حلو كل بعد كم يوم احد يجيك و يونسك انا قلت بعدل بين استقبال ولدي الاول وبين الاستقبال هذا ان شاء الله بسوي نفس الشيء استقبال بسيط مع توزيعات و حلاوه بإسمه ما ودي اسوي شيء اقل ولا اكثر العدل من الحين مأرقني 😅

العضوة: 1390766 , 3 years ago

@user-1534277 اي افضل خليها مفتوحة منى ماحبوا يحون عشان انتي ماتضغطين نفسك بيوم واحد

العضوة: 1534277 , 3 years ago

@user-432677 حلو حتى التوزيعات الافضل تكون بسيطه وماكان ودي اصلاً اجيب لان انا اللي تعبت وولدت المفروض هم يجبون لي 😂🚶🏻‍♀️ بس لان عمتي الله يجزاها خير هي اللي جابت توزيعات بولادتي الاولى فقلت لازم العدل 🤭

العضوة: 1587164 , 3 years ago

ايه خلاص كفايه حمدلله

العضوة: 1587164 , 3 years ago

ماشاءالله عليك من الان تفكرين بالعدل 😂😩،انا مافكرت من هالناحيه ابدا قلت بجيب ضيافه وهم عليهم الهدايا لي😂

العضوة: 1498536 , 3 years ago

انا عملته يوم واحد بس ندمت عشان صار البيت فاضي كأنه دلال يوم واحد بس حرام دللوني اسبوعين بس بنسبة الي يجو وقت مايحبو لو مو اول ولد لك