انا متزوجه وعندي ابناء عندي كثير مشاكل بحياتي
ولكن مشكله مع امي واخواني هدت حيلي بزياده تعبت نفسيتي بسببهم
قبل سنتين تظاربو اطفالنا الصغار ببيت امي ومن ظمنهم ولد اخوي عمره ٨سنوات بس ابوه مو طايقني من تزوج زوجته وجاء وجابها معاه وحاول يظرب بنتي بس دافعت عنها وظربني انا عطاني كف وسحب شعري ورماني على الارض وداس برجوله على ظهري قدام زوجته وعياله وبناتي الصغار تعبو نفسيا من المنظر اللي شافو .. وامي وقتها ساااكته تناظر ولاقالت له شي عاجبها الوضع
تقول تستاهلين لاتردين عليه
مضى كم شهر ورحت سلمت عليها بسبب ااني مالي احد اروح له 😔 غصبت نفسي وصرت اروح كل اسبوع ونا كاتمه بقلبي الغصه بعد سنه يمكن تعرض لنا مره ثانيه بس بلغت عليه الشرطه وكتبوه تعهد . وبعدها بفتره رحت لامي وقام اخوي الثاني وظرب ولدي عمره ١٨سنه بسبب لعبه في الانترنت مافهم فيها انا وجلست ادافع عنه وافكهم عن بعض بس امي حطتها براسي تقول انتي وجه المصايب والمشاكل وطردتني من البيت والان لي ٥اشهر قطعتوهم ولكن ماسلمت من كلامهم سب وشتم عند الجيران والاقارب صار يجيني نوبات هلع وقلق منهم وش اسوي يابنات
انصحوني طبطبو علي والله ماعندي احد افضفض له .
العضوة: 521209 , 1 hour ago
الله يطمن قلبك ويبعد عنك عيال الحرام وبنات الحرام ويهدي امك واخوانك واهلك ويرشدهم لطريق الصواب ، اخاف اقول شيء مو من حقي اقولـه 🥹💔 حاسه فيكِ لكن حالياً ركزي ع الحانب النفسي وحاولي ترتاحي وتقوي نفسك وتتقربي من الله وتدعـي سوي كل شيء بيدك واللي مو بيدك اتركيه لرب العباد شايف كل شيء 🥹😭🙏🏼 نفسيتك نفسيتك + نفسية اطفالك هذا اهم شيء حاليـاً ، اذا حابه ترجع امورك كلمي شخص كبير عاقل فاهم والمهم ثقـه وقولي له كل شيء من طقطق للسلام عليكم وقولي له احتاجك محضر خير خاصه ان رمضان على الابواب وهوا شهر الرحمه والغفران🙏🏼🤍 وزيي ماتعرفي مايجوز الهجر فوق ٣ ليال لو تبادري لامك فقط برسالة رمضان كريم وكل عام وانتي بخير واتركي الامور وشوفي ايش يكون ردعا 👍🏻 للاسف احياناً يكون بعض الامهات ذكوريات تفضل الاولاد على البنات وتبداء التفرقـة والظلم لكن هذا الشيء مو بيدك بيد رب العباد والله يهديها ويصلحها هذا اللي اقد اقوله🙏🏼🤍 زكزي ع صحتك النفسيه وزودي قربك لله وصلاة الليل والدعاء🤍العضوة: 2188890 , 27 minutes ago
والله ما راح يخرجك من هاذا كلو وينصرك إلا الله أكثري الاستغفار والدعاء والتسبيح تمسكي بهم والله لايتغير حالك وينجبر خاطرك واطلبي السماح من أمك وحاولي تسامحي مع خواتك لأن قطيعة الرحم شئ يغضب الله وماراح ينقبلكم عمل وأنتم متقاطعينالعضوة: 2221163 , 11 minutes ago
امك ماراح تحس فيك الا لما تطيح صدقيني مالك الا الدعاء والله سبحانه مايرضى بالظلم وراح يبان الحق ولو بعد حين بس انت حاولي تركزي على بيتك واولادك هم اولى وبالنسبه لامك خلي تواصلك معها مجرد رسايل واتس وهي بس تطفش وتحس نفسها وحيده بتناديك الافضل انك ماتروحين لها طالما اخوانك زي الوحوش وامك طالما هي ذكوريه ماراح توقف بصفك وراح تنهانين انت وعيالك في بيتهم والله يهدي النفوس