بنات بدي أحكيلكم قصتي وتساعدوني انا بغربة وبعيدة عن اهلي ، متزوجة من ٤ سنين وعندي ولد وبنت في مشكلة وحدة بزوجي وهيا وقت العلاقة بصير يحكي أسماء بنات وصارت مشكلة بيني وبينه عشان رفضت الي بيعمله وحكيت معه مرة ومرتين وحكى خلص الي بدك ياه بصير بنسى مرة ومرتين وبرجع لنفس الاشي يذكر أسماء بنات انا كتير مقهورة ومخنوقه حكيت معه لهدرجة أنا مو معبية عينك او مقصرة معك الحمد لله جمال وبياض وجسم حلو ومهتمة بحالي لبس وشياكة ع اخر طرز حكتله وبحسه بارد تجاهي يعني وقت تكون لابسة يحكيلي كلام حلو يتغزل فية الا لمة انا اطلب منه واجي احكيله كيف اللبسة عجتك وهيك يعني انا بصير اطلب منه يمدحني يهتم والاشي الي بحرق القلب اكتر الأسماء الي بيحكهم يا بنات خالته او مرت صاحبه الأرملة أو بنت جارتي يعني أسماء بعرفهم والله وصلت لدرجة أحقد عليهم مع انهم ملهمش ذنب والاشي الي بوجع اكتر انو انا أنعم وأخف دم منهم مش عارفه شو الاشي الي بيلفت انتبهاهه فيهم وانا لسا بأول العشرينات ونفسي بحب حقيقي يكون انو انا الوحيدة الي معبية عينه وقلبه لدرجة ي بنات انا ما تحملت الوضع صارت مشكلة بيني وبينه وروحت كلمت امه حكتلها شو بيعمل ابنها انجنت وصارت تزعق علية وتغلط علية وتقلي اني وحدة ما بستحي كيف بفشي أسرار العلاقة الي بيني وبين زوجي وقفت جنب ابنها صارت تحكي انو شهوة وما بكون عارف شو بيحكي و هيك كل الرجال وانا صرت اجادل فيها انو حرام وانتي هترضى لو جوز بنتك هيك ولله ي بنات يومها صارت تقولي انتي بدك تخربي بيتك هاد اشي خاص كيف بتتجرأي تحكيه ولو حكيتي لأهلك هتكوني طالق وروحي شوفي طريقة صالحي ابني فيها وجابت الحق علية وكبرت راس ابنها علية وانا مقدرتش أعمل اشي ما الي حد احكي اله او افضفض يساعدني وضع اهلي صعب جدا من ناحية العقل والتشدد وانا ضليت ساكتة وغصة كبيرة بقلبي ومشيت الأيام وبعد شهر حماتي توفت الله يسامحها ويرحمها، بس كبرت عقل إبنها بدل مترشده للطريق الصح وانا من يومها لهاد اليوم وبعاني من هادي المشكلة حكيت كذا مرة بعد موت امه يصير. يقلي ماشي الي بدك ياه بصير بس ع الفاضي وانا الاشي الي كاسر قلبي وظهري أكتر انو انا بغربة وأهلي شوية صعبين العيشة عندهم متشددة فوق متصورو ولو بدي انفصل عيشة اهلي صعبة ومطلقة عندهم كأنها ارتكبت جريمة احكولي شو اعمل والله مجروحة ومخنوقه