3 years ago
  • المرحلة الثالثة (الأشهر 9,8,7)
ها أنا دخلت الاسبوع 33 ما ضل كتير ويجيني توأمي الغالي مشاعر خوف وتوتر وقلق من المستقبل القريب يا ترى كيف راح تكون ولادتي طبيعي ولا قيصري بحاول ما افكر بالموضوع واشتت تفكيري لكن الثقل والتعب من الحركة والوقوف وقلة النوم يخليني افكر دايما متحمسة اشوفهم بحضني بخير وسلامة يا رب والنفسية غالب الاحيان متدهورة ما حدا يدعمني وما متوقعة المساعدة من اي حد الصراحة احس حالي وحيدة وسط هالمعاناة لازم اروح للدكتورة لحتى اتطمن واوخد ابرة اكتمال الرئة واستفسر عن بعض الامور وتحددلي اذا طبيعي او قيصري حالياً الضغط على الرئتين وضيق النفس يخليني مضغوطة ومو متحملة اي شخص ولا حتى ولادي والكل يشوفني نكدية طبعا ما حدا بيعرف معاناتي مع ضيق النفس والتعب لما اقول اني مضغوطة يقولو انتي ضاغطة نفسك بنفسك (سُحقاً لكم) مشتهية حضن يريحلي قلبي واوجاعه كل يوم نفس الروتين شغل بالبيت وورا الاولاد طول الوقت والجلوس يموتني لهيك اغلب وقتي امشي وأشغل نفسي بشغل البيت وانتظر كل يوم ينتهي وارتاح منه لحتى يجي يوم جديد وتقترب ولادتي اكتر مشتهية انام كتير لكن اولادي طبعا ما يسمحولي اما بناتي اللي ببطني متشوقة اوفهم يا ترى كيف حيكون شكلهم يا ترى حيجي وزنهم كويس ولا صغيورين يا ترى راح اعرف اتعامل معهم مع بعض يا ويلي ايش حيصير فيي عكل حال هلأ لازم انام وبكرى ارجع اتكلم مع نفسي الى اللقاء يا نفسي

25 تعليقات

العضوة: 1701035 , 2 years ago

الله يهون عليك وهي مشاعر عابره والله حاليا بمر بضيق التفس وانا بالخامس الله يكتب اجرنا وأن شاء الله يا رب تقومين بالسلامة وتفرحين بسلامتك وسلامة توأمك

العضوة: 1658494 , 2 years ago

انا عندي توأم بنات عمرهم ٦ سنوات الحين. الله يعينك عليهم مو صعب، بس بأول شهر خلي حدا يساعدك فيهم لانو في الليل رح تفيقي كتير ، الصبح مثلا امك او حدا بيشيل عنك شوي لترتاحي . حلوين بيونسو بعضهم و يلعبوا مع بعضهم ❤️

العضوة: 1591031 , 2 years ago

ضيق النفس صعب جدا وهو من اسباب اني اخترت اولد بعملية والحمد لله تمت ولادتي على خير عقبال عند الجميع

العضوة: 1591031 , 2 years ago

ربي يحفظلك اولادك . تمت ولادتي قبل يومين والحمد لله رب العالمين ما في حد يساعد جنبي . هم يساعدوني بأولادي الاكبر وهاد اهم شي اااخ بطلب المساعدة من ربي وبس

العضوة: 1703417 , 2 years ago

@user-1591031 انتي تولدي طبيعي اخترتي عمليه بسباب ضيق التنفس انا معي ضيق التنفس من بدايه الشهد الثالث ل الان ب السابع بس تعبت والله جدا وكشفت صدريه وقلب خايفه من الولاده الطبيعه حاسه انو مقدرش ماكو نفس ل الطلق والألم بموت وقتها الله يسهلها يارب

العضوة: 1591031 , 2 years ago

اكتر من سبب خلاني اختار عملية . وتفاجئت انها اهون من الطبيعي الحمد لله .الله يهونها عليكي ويقويكي وتقومي بالسلامة خيتا الغالية

العضوة: 1623811 , 2 years ago

@user-1703417 شو كشفتي طلع معك شي يعني

العضوة: 1413967 , 2 years ago

@user-1591031 الحمد لله ع سلامتك ومبارك بنوتاتك الحمل بتؤام صعب والاهتمام فيهم بعد الولادة كمان صعب الله يكتب اجرك ويحمل تعبك

العضوة: 1703417 , 2 years ago

@user-1623811 لا الحمد لله القلب والصدر كويس بس عندي ضيق نفس من بدايه الحمل ملوش تفسير غير انو من الحمل ده رابع حمل واول مره يحصل كده

العضوة: 1591031 , 2 years ago

الله يسلمك ويبارك فيكي ياا رب اي والله كتير صعب وخاصة ولادي الاكبر من التوأم مغلبيني كتير كأنه عندي توأمين ومن اول يوم عملية ما لقيت حدا يساعدني وانا اشتغل كل الشغل بنفسي الله يقويني ويخلصني من وجع العملية بسرعة وما احتاج لحدا