يسعد اوقاتكن بدي أحكيلكن قصتي وفضفضلكن شوي لأنو والله طقت روحي وما عاد عرفت شو أعمل.. أنا يا صبايا هالفترة صايبني مع الحمل حالة كسل مو طبيعية يعني الكسل قاعد بقلبي وقايل الله حيو وبحس حالي متل السلحفاة عم دحدر دحدرة بقلب البيت مع إنه الحمدلله ما عندي وحام ولا لعيان نفس بس هيك جسمي تقيل وما عم يساعدني أبداًوالمشكلة الأكبر والمصيبة العظمى هي الوسواس اللي عندي.. أنا من النوع اللي إذا ما شفت البيت عم يلمع لمع وإذا ما شطفت وعزلت ونظفت تنظيف عميق من قاع الدست ما بيجيني نوم ولا برتاح نفسياً.. بضل عم اتخانق أنا وعقلي عقلي بقلّي قومي انفضي البيت وجسمي بقلّي حاجتك لهون وبس بوصل للمسا بكون فرطت وطاقتي صارت تحت الصفر وبقضي السهرة عم لوم حالي ليش ما أنجزت وجاي عيد ولازم عزل تعزيل العيد ويكون عمييق ومشكلة صدف مع امتحان الاولاد والحمل غير شكل قلت لحالي مالها غير أبو العيال يحلها.. رحت لعنده وعملت حالي مكسورة الخاطر وقلتله يا ابن الحلال والله الكسل هادني والبيت بدو شغل ونظافة وأنا مالي قدرانة الله يخليك جبلي مساعدة قبل العيدتريحني هالفترة قام تطلّع فيني وبكل برودة أعصاب قلي تكرمي بالحلال وبتتساعدوا سوا 😂 صدق حاله بالله عليكن عطوني نصيحة شو أعمل بهالكسل؟ وكيف بدي طفي هاد الوسواس اللي براسي ومانعني أرتاح؟ عطوني دفشة طريقة.. جدول.. أي شي يخليني قوم وما ضل هيك عم أتفرج على البيت ونفسيتي تتعب السؤال الاهم كيف عالجتوا الوسواس؟؟معقول يضل كل العمر