بعد ما وصلت بين وبين زوجي للطلاق بس قررنا نعطي بعض اخر فرصه اغلب مشاكلنا والسبب الرئيسي هو من غيرتي الزايده وفعلا انا جدا تعبت من هالشي وهو كمان ما راح انكر هالشي قررت بيني وبين نفسي اتغير للأحسن اذا راد رب العالمين المشاكل الي ما الها داعي وكل شي كنت اعمله وزعلي يطول هاد قادرة اغيره بإذن الله تعالى بس شغلة الغيره المرضيه اااااخ مش شدة حبي اله ومن خوفي اخسره ومن المجتمع الزفت الي صار فيه كل شي مباح والا النساء الي بفتنو الرجال بلباسهم والا لما اكون معه يصيرن يطلعن عليه من تحت لفوق ويطولن النظر انا هون بفقد سيطرتي بغار بنهار وبس ارجع ع البيت بصير ابكي واعمل مشكله معه وهو ماله دخل بهالشي كمان شغله بحكم شغله بغار بس يشوف وحده او يحكي مع وحده او مثلا بالسوق بائعه أو ممرضه او اي حدا بغار اذا بحكي مع وحده حتى لو رسمي شو اعمل وشو اتصرف ما بدي بيتي ينخرب من ورا الغيرة الي تحولت لشك وانا بدي ارتاح نفسيا مو كل يوم وكل مشوار نكد وسم بدن كيف امسك حالي اتمالك نفسي يعني اذا تأخر أو انشغل بمكالمة مستحيل اظن خير دايما سوء مثل خاين بحكي مع غيري اذا طلع مشوار لحاله اكيد راح يضل يتفرج ع النسوان وينغري