مساء الخير صبايا حابه احكي معكو بموضوع انا اول حمل حملتو كنت حامل في بنوته وكتير عانيت بحملها ووصلت للشهر السادس بعدها صار معي طلق رحت للمستشفى طلع معي توسع كامل ونزلت بنتي ولدتها ولاده طبيعيه وطبعا ما عاشت لانها كانت كتير صغيره الله يرحمها 💔 ورجعت حملت بعد ٦ اشهر بس حكولي لازم اعمل غرزه لعنق الرحم لانو معي ارتخاء بعنق الرحم وعملت بحملي عالشهر الرابع الغرزه وكنت تحت بنج كامل بغرفه العمليات ورجعت ولدت بنتي عالشهر الثامن وقعدت بالحضانه شهر وهي هلق كل صحتها منيحه الحمد لله وعمرها سنتين وحاليا انا حامل بالشهر الخامس وعملت عالشهر الثالث غرزه الرحم وليل نهار بدعي انو ما اولد بدري وكتير خايفه حدا صار معاه هيك وكمل للشهر التاسع وانا من اول حملي وهو معي الالتهابات بتعالج منها بتروح يومين تلاته وبترجع والتهابات مو منيحه لأنها بتعمل ولاده مبكره ادعولي الله يتمملي عخير انا وجنيني ومين صار معاه هيك 💔