السلام عليكم ورحمة الله وبركاته أول شي الله يسهل لي ولكل الحوامل يارب ويرزق من يتمنى الضني يارب العالمين 🤲 أنا من حوامل مارس وآخر دورة لي كانت ١٩ مارس..الآن في الأسبوع الأربعين(٣٩ أسبوع ويومين) اليوم كان آخر موعد لي في العيادات وكشفت الدكتورة وقالت لي إنه الرحم ٤ سم وحولتني طوارئ ورحت وجلست طول النهار بدون طلق حقيقي يعني أنا يجيني طلق بس مو منتظم بس بالتخطيط مو مبين طلق أبدا .خيرني الدكتور إنه أنام في المستشفى ويعطيني طلق صناعي بس فضلت أروح البيت. نفس الشي صارلي بولادتي الأخيرة وجلست أسبوع مفتوح الرحم ٤ سم وأخذت طلق صناعي صح ماطولت بس ماحبيته مافي زي الطبيعي. سؤالي لو وحدة مرت بنفس وضعي ايش نصيحتها وايش ممكن تعمل عشان تحفز الطلق؟ صح خايفه إنه تجيني ولادة فجأة وماالحق المستشفى بس بنفس الوقت ماابغى تدخلات وطلق صناعي ويكون الطفل مو مستعد ويتعب واتحول لا قدر الله عملية علما إنه رابع حمل والحمد لله كل ولاداتي طبيعية بس دائما أخذ أسبوع بعد التاسع ماعدا الأخيرة أعطوني طلق وولدتها ٣٩ أسبوع بالضبط. ملاحظة* الدكتور رضي يطلعني برغبتي بس أعطاني موعد للطلق الصناعي الأحد القادم ٢٦ ديسمبر وأنا الصراحة حابه أولد بطلق طبيعي.