بعد سنة من الزواج حملت طبعا ماعرفت اني حامل الا بعد شهر ونص لان الدورة كانت تقطع فترات وماجا ببالي اني حامل بالبداية طبعا ببداية حملي قبل ماعرف اني حامل كنت اروح لدكتور الاسنان وكنت اسوي اشعه وااخذ مهدئات بس بعد ماعرفت اني حامل وقفت لما صرت بالشهر الثالث رحت لدكتورة نساء وقالت لي ان الجنين هابط كثير وطلبت مني اسوي فحوصات وعلى هذا الاساس سويت الفحوصات وعرفت وقتها انه عندي جرثومة igg نسبته ٩٥٠ .. خبرتني الدكتورة ان الجرثومة ممكن تسقط الجنين وانه لازم اخذ ابر مثبته كل ثلاث ايام وكتبت لي ادوية للجرثومة كنت سمعت انه الجرثومة ممكن تشوه الجنين وكنت مرتعبه من هالفكرة وحاولت اقرا بكل مكان عن الجرثومة وبعد اطلاع عميق وصلت لنقطه ان الجرثومة نسبته بسيطه وماتشوهه الطفل بالذات لانها قديمة والجسم كسب مناعه ضدها واخذت الادوية والمثبتات مثل ماطلبت الدكتورة لمدة شهرين اتحملت التعب والعلاجات اللي ماكان جسمي يتحملها لبداية الشهر الخامس رحت لدكتورة ثانية معروف عنها انها ممتازة سويت سونار وقالت اموري تمام والجنين تمام ومافي شي مقلق واوقف المثبتات وكتبت لي فيتامينات.. حسيت وقتها براحة عميقة وشلت كل الافكار السيئة من راسي وقررت ما عاد اروح لاي دكتورة لاني خلاص اطمنت ع الجنين كان التعب يزيد ويزيد. واحس بالموت كل يوم واحس انه الامور مش طبيعية بالإضافة ان حركة الجنين كانت ضعيفة قررت بالشهر السابع اروح للدكتورة الاولى حقي لانه ماعندها زحمة انتظار مثل الثانية.. رحت وسوت لي سونار قالت عندك ولد و جلست اكثر من نص ساعه تفحص وتقلي الجنين هابط واحتمال ولادة مبكرة وانه وضعه ببطني مش صح في غلط .. بس طمنتني انه تمام وحركته ونبضه تمام اطمنت ورجعت بيتي مرتاحه .. بس من الشهر السابع بطني فجاه كبرت كثيرررر وكنت حاسه بثقل .. بس كنت اقول طبيعي لاني صرت اكل كثير بس كنت استغرب انه رجع لي تعب الاشهر الاولى وصرت ارجع الاكل اللي اكله اوقات.. وتجي عليا فترات ماقدر اكل شي وفترات اكل بشراهه .. المهم بالشهر الثامن قررت اروح اسوي سونار عند متخصص ع اساس اشوف الطفل بشكل واضح لانه جهازه متطور كنت متحمسه وفرحانة لان جهازه بيطلع الجنين ملون وبشوف ابني .. الدكتور قلي عندك بنت فرحت جدا بس رجع يخبرني انها مش تمام وان الماء نسبته عاليه جدا واستغرب انه ماحد كلمني من قبل وكيف ماقالوا لي لان هذي الحالات تعرف من بدري .. ورفض يخليني اشوف الطفله بالسونار.. خبرني كمان انه البنت تعبانه جدا وعندها مشكله بالنمو تقريبا مشوهه بشكل كبير.. وبتموت اول ماتولد ونصحني اروح لدكتورة متخصصه واخليهم يولدوني باسرع وقت طبعا اجا الخبر كالصاعقة .. انهرت تماما وقلت الدكتور كذاب او مايفهم .. زرت افضل الدكاتره والكل قلي نفس الشي .. حسيت اني ضايعه وكيف ماعرفت من بدري وماحد خبرني والان كلهم يقولوا لي انه الطفلة كذا.. وايش ممكن اخذ من قرار .. رحت لدكتورة شاطرة قالت لي الماء كثير ومابقدر اولد طبيعي وقررت لي عملية باليوم الثاني وقالت الطفلة بنخليها بالحضانه لو نجت من الموت بس بتكون تاعبه قوي. واحتمال تموت ع طول او تعيش ساعات او ايام قليلة وبتموت بالاغلب صليت ودعيت كثير.. تمنيت يكون كابوس واصحي منه.. بس للاسف كان واقع صعب اغيره ولازم اتقبله واخذ قرار صليت استخارة. وقررت اوافق واروح اسوي العمليه واقبل بكل شي ربي كتبه لي بس كان عندي امل كبير يطلعوا كل الدكاترة فشله وبنتي تكون تمام وسليمة مثل قصص كثير ثارت .. لاخر لحظه كان عندي امل وكنت ادعي لو صدق ربي يغير قدرها ويجعلها بخير .. سويت العملية واول ما صحيت قعدت ادور بنتي قالوا بالحضانه ارتحت انها لسا عايشه .. بعدها بشوي يقولوا البنت ماتت وجابوها لي مكفنه .. يالله والوجع .. مابقدر اوصفه بي اتمنيت ترجع لبطني واتحملها حياتي كلها ولا يصير اللي صار .. وبنفس الوقت عرفت انه ربي رحمها وارتاحت من وجعها وقلت الحمدلله للان ماعرفت ايش السبب باللي حصلها هل من الادوية او الاشعه او الجرثومة او شي سويته او اكلته وضرها .. الدكتورة قالت انه عندها متلازمة وتجي بسيب خلل في الكروموسومات ومش عارفين ايش السبب الرئيسي وممكن يتكرر هالشي معي.. ومنعوني افكر بالحمل كم سنه قدام ولازم اسوي فحوصات اني وزوجي واتعالج لو عندي مشكله. طبعا لسا تعبانه من العملية واحس روحي متدمرة وحياتي كلها اتخربطت.. دعواتكم امانة