كنت بالمطبخ ولا بسمع صوت جوزي بيضحك من قلبه ، نياهااهاهاهاها نفدتي يا مرتي 😃 قلتلو نفدت بشو ؟! قلي : نفدتي وتزوجتي قبل ما يطلق عليكي اسم #عانس😂 هلق قريت خبر كاتبين ع صفحة ارتفاع نسبة العنوسة إلى 130 الف فتاة تتجاوز أعمارهم حد 35 سنة .. يعني رقم كبير 130 عانس قلتلو : أولا اسمها #عزباء أو متأخرة عن الزواج .. ومصطلح #عانس قمة التخلف والرجعية هاد وصف لحالة #التأخر_عن_الزواج بأسلوب خالي تماما" من الذوق .. يعني مثلا" تجي وحدة لسا الله ما كتب نصيبها تقرأ هيك عبارة قديش ممكن يأثر على نفسيتها ويحسسها أنها صارت عالة ؟! يعني شفت جامعيات ومثقفات وجميلات وبأخلاق عالية وماتزوجوا نجي نترك كل هالميزات ونعيبهم بكلمة عانس قلي : لك ع مهلك ليش هيك انحمقتي ، ليش ما دريتي إطلاق حملة #خليها_تعنس ؟! قلتلو : وشو أهدافها هالحملة دخلك ؟! قلي : هي لتخفيف أعباء الزواج والتكاليف وتقليل المهور ، يعني الأولويات فقط شي يناسب الشب للزواج 😍 قلتلو : والله ما اجحش من اسم الحملة غير يلي أطلقها يعني ما معقول هالاسم السخيف فيه يعملها #رفقا"_بالشباب أو مثلا" حديث لرسول الله صل الله عليه وسلم #اذا_اتاكم_من_ترضون_دينه_وخلقه_فزوجوه قلي : لك ييييييه ذكرتيني اليوم ع 5 بدو يجي صاحبي مع أمه بدهم يدسو نبض عشان جاي يطلب #إيد_إختي ............. رحت فورا" دقيت لأختو قلتلا لك شو قصة العريس وأمو ؟! قالتلي : الله يوفقك لاقيلو تصريفة ، لأنو هالسنة اول سنة جامعة اقتصاد بدي كفي دراستي😭😭 قلتلا : وحياتك دبّارها عندي👹 أول ما إجوا قعدت مع أمه وقلتلا كيت كيت كيت كيت بدها تدرس ، واخوها خايف من حملة خليها تعنس وبدو يزوجها غصب😭 ... بس طلعوا الجماعة من البيت قالتي إمو سلميلي كتير عالصبية و #خليها_تعنس_😉 واطلعت ع جوزي أنا بلعت ريقي ومن الرعبة ركضت عالمطبخ وسكرت الباب وقلبي ركّب الرفراف عل 220 فولط💔 ركض وراي وقلي فتحي البااااااب وتعي لهون شو معبية براس المرة لحتى حكتني هيك😠 قلتلو : ما حكيت شي و ماني فاتحة قلي بسرعة فتحي قبل ما انا أطلق حملة بعنوان #خليها_تتحمل قلتلو : ودخلك شو أهدافها قلي : بتزوج عليكي وقدام عينك بجيبا على نص بيتك وبدللها وخليكي تتحملي لشوف😜 أقسم بالله بس سمعت هيك نفر الدم لراسي ، وطلع شوفير الباص يلي جواتي مسكت مفتاح الغاز وفتحت الباب وقلتلو : وحياتك انا يلي رح أطلق حملة #خليها_تترمّل☻ ورحت خابطته ع راسو بمفتاح الغاز .. مالقيت حالي غير بالمشفى وحوليي 2 شرطة فاتحين محضر ، وناطرينه يصحصح ويقدر يحكي وياخدو أقواله☻ بس والله عيون جوزي مخوفتني لأنو كل ما يفتحهم شوي بحس مأطلقين حملة بعنوان #خليها_تختخ بالحبوس 😂😂😂😂 بقلمي المشكلجي #أم_النصر_