كيفكون ياحلوين أنا شتقتلكم كتير بس والله ماكنت قادره أفتح وأحكي معكم رح أحكيلكم تجربتي بالولاده التالته و شو صار معي😭 الحمدلله ب 9/3 ولدت بلش الطلق معي عساعة 1 الظهر و رحت عالمشفى عساعة 4 وكان الرحم فاتح 6 سم وبعد ساعة ونص صار فاتح 7 سم بس للأسف الدكتورة يلي معي بغرفة الولاده عطتني 3 حبوب تحريض وصارو الطلقات يجو ورا بعض حسيت روحي عم تطلع وولدت عساعة 6 ونص على أذان المغرب وبعدين طالعوني عغرفتي بس بعد كم ساعة لاحظو في كمية دم مو طبيعيه وفكرو هاد الشي عادي بس علقولي سيروم وعطوني حب وتحاميل متل التحريض مشان يطلع الدم كلو ومن بعدها صابتني برديه وصرت أرجف وصرخ وأبكي بدون وعي ضليت شي ساعتين عهالحاله وتاني يوم عملولي فحص و صورة إيكو وطلع صاير عندي نزيف و تمزق بالرحم 😭😭 وخلال عشر دقايق حضرو غرفة العمليات لأن إحتمال مايلحقوني إذا تأخرو بالعمليه أكتر من هيك وجهزوني وفتت عالعمليه وانا فارطة من البكي ولدكاترة عم يهدوني وكان القرار إنو رح يوقفو النزيف واذا مامشي الحال بدهم يشيلو الرحم أو يفتحو البطن لحتى يوقفو النزيف وعطوني تخدير عام وبعد ساعة صحيت من البنج ولحمدلله قدرو يوقفو النزيف وعملو قطب داخليه للرحم ومضت العمليه على خير بدون مايشيلو الرحم الحمدلله والفضل ل الله رب العالمين سخرلي دكتور مصري كتير شاطر وعالج الوضع بدون مايشيل الرحم🥹 وركبولي قصطرة وكانت متل طلوع الروح بالنسبه لألي بس مرت الحمدلله مريت بأوقات مابيعلم فيها حدا غير ربي🥺 والشي يلي صار معي كان بسبب حبوب التحريض يلي عطوني ياها بس الحمدلله الله فضل عليه وأبني بخير وسلامه الحمدلله🥹